Atyraý oblysynda memlekettik mekemelerdiń biriniń býhgalteri uiym basshysymen birlesip, 2023-2024 jyldary 88,8 mln teńgeden asa biýdjet qarajatyn jymqyrǵan, dep habarlaidy dalanews.kz.
Sot oǵan 7 jylǵa bas bostandyǵynan aiyrý jazasyn taǵaiyndap, keiin raqymshylyq týraly zańdy qoldaný arqyly jazany 4 jyl 8 aiǵa deiin qysqartqan.
Alaida Bas prokýratýra raqymshylyq zańsyz qoldanylǵanyn anyqtady. Zańǵa sáikes asa iri mólsherde qarjy jymqyrǵany úshin taǵaiyndalǵan jaza keltirilgen zalal tolyq ótelgen jaǵdaida ǵana qysqartylýy múmkin. Alaida sottalýshy shyǵyndy tolyq ótemegen.
Sonymen qatar, odan 36,8 mln teńgeden asa qarajatty óndirip alý týraly sheshim shyǵarylǵan. Soǵan qaramastan, birinshi satydaǵy sot jazany úshten birine qysqartqan, al apelliatsiialyq saty bul zańbuzýshylyqty joimaǵan.
Bas prokýratýranyń narazylyǵy boiynsha kassatsiialyq sot raqymshylyqty qoldanýdyń kúshin joiyp, bastapqy jaza, iaǵni 7 jylǵa bas bostandyǵynan aiyrý jazasyn qaita qalpyna keltirdi.
