اتىراۋ وبلىسىندا مەملەكەتتٸك مەكەمەلەردٸڭ بٸرٸنٸڭ بۋحگالتەرٸ ۇيىم باسشىسىمەن بٸرلەسٸپ, 2023-2024 جىلدارى 88,8 ملن تەڭگەدەن اسا بيۋدجەت قاراجاتىن جىمقىرعان, دەپ حابارلايدى dalanews.kz.
سوت وعان 7 جىلعا باس بوستاندىعىنان ايىرۋ جازاسىن تاعايىنداپ, كەيٸن راقىمشىلىق تۋرالى زاڭدى قولدانۋ ارقىلى جازانى 4 جىل 8 ايعا دەيٸن قىسقارتقان.
الايدا باس پروكۋراتۋرا راقىمشىلىق زاڭسىز قولدانىلعانىن انىقتادى. زاڭعا سەيكەس اسا ٸرٸ مٶلشەردە قارجى جىمقىرعانى ٷشٸن تاعايىندالعان جازا كەلتٸرٸلگەن زالال تولىق ٶتەلگەن جاعدايدا عانا قىسقارتىلۋى مٷمكٸن. الايدا سوتتالۋشى شىعىندى تولىق ٶتەمەگەن.
سونىمەن قاتار, ودان 36,8 ملن تەڭگەدەن اسا قاراجاتتى ٶندٸرٸپ الۋ تۋرالى شەشٸم شىعارىلعان. سوعان قاراماستان, بٸرٸنشٸ ساتىداعى سوت جازانى ٷشتەن بٸرٸنە قىسقارتقان, ال اپەللياتسييالىق ساتى بۇل زاڭبۇزۋشىلىقتى جويماعان.
باس پروكۋراتۋرانىڭ نارازىلىعى بويىنشا كاسساتسييالىق سوت راقىمشىلىقتى قولدانۋدىڭ كٷشٸن جويىپ, باستاپقى جازا, ياعني 7 جىلعا باس بوستاندىعىنان ايىرۋ جازاسىن قايتا قالپىنا كەلتٸردٸ.
