Ata zańdy reformalaý boiynsha jumys tobynyń múshesi Ermek Ábdirasylovtyń atap ótkenindei Konstitýtsiiada Nazarbaevqa qatysty "Táýelsiz Qazaqstannyń negizin qalaýshy" degen sóz ǵana qalady.
"Tuńǵysh prezident - Elbasy týraly zań kúshin joiady", – dep málim etti ol.
Konstitýtsiialyq keńestiń apparat jetekshisi Baqyt Nurmuhanovtyń aitýynsha qazirgi ýaqytta Ata zańnyń 33 babyna 56 túzetý engizý kózdelgen.
Aita ketelik, Tuńǵysh Prezident týraly zańda
Nazarbaevty jaýapqa tartý ǵana emes, sonymen birge ustaýǵa, qamaýǵa alýǵa, tintýge, jaýap alýǵa nemese jeke tekserýge bolmaidy delingen.
Qol suqpaý týraly zań prezidentke jáne onymen birge turatyn otbasy múshelerine jeke menshik quqyǵymen tiesili barlyq múlikke, sondai-aq olar paidalanatyn turǵyn jáne qyzmettik úi-jailarǵa, qyzmettik kólikke, bailanys quraldaryna, hat-habarlarǵa, olarǵa tiesili qujattarǵa da qoldanylady.
Tiispeýshilik Qazaqstan Tuńǵysh prezidenti – Elbasy qoryna jáne ol qurǵan ózge de zańdy tulǵalarǵa tiesili múlikke de qoldanylady.
Budan bólek, konstitýtsiialyq zań Nazarbaev pen onymen birge turatyn otbasy múshelerine tiesili bank shottarynyń qupiialyǵyna jáne oǵan qol suqpaýyna kepildik beredi.
Qańtar oqiǵasynan keiin parlament tuńǵysh prezident týraly zańǵa túzetýler engizdi, olar Nazarbaevtyń qaýipsizdik keńesi men Qazaqstan halqy Assambleiasyn basqarý quqyǵyn joidy.
Sonymen qatar, parlament elbasymen respýblikanyń syrtqy jáne ishki saiasaty máselelerin kelisý qajettiliginen aiyrýdy zańdastyrdy.
Buǵan deiin BAQ ókilderimen kezdesý barysynda Ádilet ministri Qanat Mýsin Tuńǵysh prezident týraly zań elbasy men onyń otbasyn tergeýden emes, qylmystyq jaýapkershilikten qorǵaýǵa kepildik beretinin málimdegen.
