- Qylmystyq isti tergeý aiaqtaldy. Qylmystyq is materialdarymen tanysý bastaldy. Jasyrynǵandardy izdestirý sharalary jalǵastyrylyp júrgizilip jatyr. Belgilengen shyǵyn kólemi 5,7 mlrd teńgeni quraidy, - dedi Perov.
Ol tergeý aiaqtalǵannan keiin de keltirilgen zalaldyń mólsheri ózgermegenin, Interpol arqyly izdeý jumystary júrgizilip jatqanyn basa aitty.
- Buryn atap ótkenimizdei, bul iske qatysty 10-ǵa jýyq adam zańǵa tartylyp jatyr. Interpol arqyly da, jasyrynǵan memlekettermen de olardy izdestirý jumystary júrgizilip jatyr.
Tergeý múddesine sáikes olardyń qai elde jasyrǵanyn aita almaimyn. Ákimdiktiń basqarma basshylary, "Astana LRT" AQ jáne merdigerlik uiymdardyń basshylyq qyzmetindegi adamdar jaýapqa tartylyp jatyr
Qazir tergeý qorytyndysymen tanysý protsesi júrip jatyr, sodan keiin is sotqa jiberiledi, onda ashyq sot otyrysy bolady, - dedi departament basshysy.
8 qazanda Qazaqstan Prezidenti Qasym-Jomart Toqaev elordany odan ári damytý jónindegi keńeste LRT isin tergeýdi kúsheitýdi, basqalarmen qatar, elorda ákimdiginiń burynǵy basshylaryn tekserýdi tapsyrdy.
LRT jobasynyń ózi, memleket basshysy atap ótkendei, óte kúmándi jáne ekonomikalyq turǵydan daýly bolyp tabylady.
https://dalanews.kz/49743
