- قىلمىستىق ءىستى تەرگەۋ اياقتالدى. قىلمىستىق ءىس ماتەريالدارىمەن تانىسۋ باستالدى. جاسىرىنعانداردى ىزدەستىرۋ شارالارى جالعاستىرىلىپ جۇرگىزىلىپ جاتىر. بەلگىلەنگەن شىعىن كولەمى 5،7 ملرد تەڭگەنى قۇرايدى، - دەدى پەروۆ.
ول تەرگەۋ اياقتالعاننان كەيىن دە كەلتىرىلگەن زالالدىڭ مولشەرى وزگەرمەگەنىن، ينتەرپول ارقىلى ىزدەۋ جۇمىستارى جۇرگىزىلىپ جاتقانىن باسا ايتتى.
- بۇرىن اتاپ وتكەنىمىزدەي، بۇل ىسكە قاتىستى 10-عا جۋىق ادام زاڭعا تارتىلىپ جاتىر. ينتەرپول ارقىلى دا، جاسىرىنعان مەملەكەتتەرمەن دە ولاردى ىزدەستىرۋ جۇمىستارى جۇرگىزىلىپ جاتىر.
تەرگەۋ مۇددەسىنە سايكەس ولاردىڭ قاي ەلدە جاسىرعانىن ايتا المايمىن. اكىمدىكتىڭ باسقارما باسشىلارى، "استانا LRT" اق جانە مەردىگەرلىك ۇيىمداردىڭ باسشىلىق قىزمەتىندەگى ادامدار جاۋاپقا تارتىلىپ جاتىر
ءقازىر تەرگەۋ قورىتىندىسىمەن تانىسۋ پروسەسى ءجۇرىپ جاتىر، سودان كەيىن ءىس سوتقا جىبەرىلەدى، وندا اشىق سوت وتىرىسى بولادى، - دەدى دەپارتامەنت باسشىسى.
8 قازاندا قازاقستان پرەزيدەنتى قاسىم-جومارت توقايەۆ ەلوردانى ودان ءارى دامىتۋ جونىندەگى كەڭەستە LRT ءىسىن تەرگەۋدى كۇشەيتۋدى، باسقالارمەن قاتار، ەلوردا اكىمدىگىنىڭ بۇرىنعى باسشىلارىن تەكسەرۋدى تاپسىردى.
LRT جوباسىنىڭ ءوزى، مەملەكەت باسشىسى اتاپ وتكەندەي، وتە كۇماندى جانە ەكونوميكالىق تۇرعىدان داۋلى بولىپ تابىلادى.
https://dalanews.kz/49743
