Budan keıin Pavlodar oblysy Mádenıet, tilderdi damytý jáne muraǵat isi basqarmasynyń basshysy Samal Begalınova Álıhan Bókeıhannyń bústin daıyndaý jáne ony kedergisiz qabyldaý týraly shart jasasqany úshin kásipkerden mıllıon teńge para alyp, temir tordyń ar jaǵynan biraq shyqqan bolatyn.
Abaı eskertkishinen Hámenova 4,5 mln teńge alyp qalǵany jaıyndaǵy áńgime qazir aqparat quraldarynda jeldeı esýde.
Hámenovaǵa qatysty sot isi 12 shildede bastalýy kerek edi. Biraq ol 3 tamyzǵa shegerildi.
Kelisim-shart boıynsha Atyraý oblystyq ákimdigi Abaı eskertkishin salyp jatqan kompanıaǵa 72,5 mln teńgesin, ıaǵnı, kelisilgen somanyń jartysyn tólep qoıǵan.
Jalpy Atyraý oblysy ákimdigi Abaı eskertkishin turǵyzý úshin 145 mln teńge jumsaýdy josparlaǵan.
Bir qyzyǵy Abaıdyń dál osyndaı áskertkishin turǵyzý úshin Pavlodar oblysy ákimdigi 55 mln teńge shyǵyndapty. Kerekýdegi aqynnyń músini – qoladan, tuǵyry granıtten jasalǵan, bıiktigi – 5,25 metr.
Al Atyraýdaǵy turǵyzylatyn Abaı eskertkishi altynnan quıylmaǵany anyq. Atyraýdaǵy aqynnyń eskertkishi tuǵyrymen qosa eseptegende bıiktigi 11 metr bolsa, eskertkishtiń 5 metrdi quraǵan (Pavlodardaǵy eskertkish 25 sm bıik). Eskertkish Pavlodardaǵydaı qola men granıt tastan turǵyzylǵan.
Baǵanyń ala-qula bolýynan eskertkish ornatý isinen jemqorlyqtyń ıisi ańqyıtyny anyq.
