Atyraý oblysynda zańsyz balyq aýlaýǵa qarsy júrgizilgen reidter barysynda brakonerlerden 3 tonnadan astam balyq tárkilendi, dep habarlaidy dalanews.kz.
"Moi gorod" basylymynyń málimetinshe, "Bekire-2026" jedel-profilaktikalyq is-sharasy bastalǵaly beri óńirde balyqtyń zańsyz ainalymyna qatysty 152 adam ustalǵan. Onyń ishinde jeti derek boiynsha qylmystyq is qozǵalyp, taǵy 19 adamnan aý quraldary men júzý quraldary tárkilengen.
Jalpy tárkilengen balyq kólemi 3 tonna 771 kilogramdy qurady. Onyń ishinde 148 kilogramy bekire tuqymdas balyq bolsa, 1 kilogramm bekire ýyldyryǵy anyqtalǵan.
Aita keteiik, Atyraý - Aqtóbe - Astrahan tasjolynda júrgizilgen tekserý kezinde politseiler "GAZel" avtokóligin toqtatqan. Kóliktiń júk bóliginen qaptarǵa salynǵan 3 tonna 278 kilogramm kókserke tabylyp, bul derek boiynsha is tergeýge joldanǵan.
Quzyrly organdardyń habarlaýynsha, reidtik sharalar mamyr aiynyń sońyna deiin jalǵasady.
