اتىراۋ وبلىسىندا زاڭسىز بالىق اۋلاۋعا قارسى جٷرگٸزٸلگەن رەيدتەر بارىسىندا براكونەرلەردەن 3 توننادان استام بالىق تەركٸلەندٸ, دەپ حابارلايدى dalanews.kz.
"موي گورود" باسىلىمىنىڭ مەلٸمەتٸنشە, "بەكٸرە-2026" جەدەل-پروفيلاكتيكالىق ٸس-شاراسى باستالعالى بەرٸ ٶڭٸردە بالىقتىڭ زاڭسىز اينالىمىنا قاتىستى 152 ادام ۇستالعان. ونىڭ ٸشٸندە جەتٸ دەرەك بويىنشا قىلمىستىق ٸس قوزعالىپ, تاعى 19 ادامنان اۋ قۇرالدارى مەن جٷزۋ قۇرالدارى تەركٸلەنگەن.
جالپى تەركٸلەنگەن بالىق كٶلەمٸ 3 توننا 771 كيلوگرامدى قۇرادى. ونىڭ ٸشٸندە 148 كيلوگرامى بەكٸرە تۇقىمداس بالىق بولسا, 1 كيلوگرامم بەكٸرە ۋىلدىرىعى انىقتالعان.
ايتا كەتەيٸك, اتىراۋ - اقتٶبە - استراحان تاسجولىندا جٷرگٸزٸلگەن تەكسەرۋ كەزٸندە پوليتسەيلەر "گازەل" اۆتوكٶلٸگٸن توقتاتقان. كٶلٸكتٸڭ جٷك بٶلٸگٸنەن قاپتارعا سالىنعان 3 توننا 278 كيلوگرامم كٶكسەركە تابىلىپ, بۇل دەرەك بويىنشا ٸس تەرگەۋگە جولدانعان.
قۇزىرلى ورگانداردىڭ حابارلاۋىنشا, رەيدتٸك شارالار مامىر ايىنىڭ سوڭىنا دەيٸن جالعاسادى.
