Pavlodarda sot balabaqsha tárbieshisine úkim shyǵardy, ol 2-2,5 jastaǵy 16 balany azaptaǵany úshin kináli dep tanyldy, dep habarlaidy dalanews.kz.
Aiyptaý tarapy aiyptalýshy balalarǵa júieli túrde zorlyq-zombylyq kórsetkenin anyqtaǵan.
Pavlodar oblysy prokýratýrasy málimetinshe, tárbieshi olardy uryp-soǵyp, shashynan tartyp, laqtyryp, dene jaraqatyn keltirgen.
Sot oǵan 4 jyl 6 ai merzimge bas bostandyǵynan aiyrý jazasyn taǵaiyndady. Degenmen jazany óteý merzimi keiinge qaldyryldy. Sondai-aq, tárbieshi 3 jyl merzimge pedagogikalyq qyzmetpen ainalysý quqyǵynan aiyryldy. Úkim zańdy kúshine engen joq.
