Atyraý oblysyndaǵy aýyldan bir otbasynyń joǵalyp ketýi birneshe aidan beri áleýmettik jelilerde qyzý talqylanyp keledi. Jańa málimetterge sáikes, qaiyn atasy men qaiyn enesin óltirdi degen kúdikke ilingen er adamnyń kámeletke tolmaǵan bes balasy ýaqytsha memleket qorǵaýyna alynǵan, dep habarlaidy Dalanews.kz.
Atyraý oblystyq bilim basqarmasynyń habarlaýynsha, 2 aqpanda politsiiadan ákimdikke shuǵyl shara qabyldaý jóninde hat túsken. Onda kúdiktiniń bes balasyn ýaqytsha qaýipsiz jerge ornalastyrý qajet ekeni kórsetilgen.
Vedomstvo málimetinshe, Mahambet aýdanynyń kámeletke tolmaǵandar isteri jáne olardyń quqyqtaryn qorǵaý jónindegi aýdandyq komissiiasy úsh balany Atyraý oblysy bilim basqarmasyna qarasty kámeletke tolmaǵandardy beiimdeý ortalyǵyna ornalastyrǵan. Al jasy 1 jáne 3-tegi eki sábi mamandandyrylǵan Sábiler úiine jiberilgen.
Basqarmanyń baspasóz qyzmeti balalardyń jaǵdaiy turaqty baqylaýda ekenin, olardyń qaýipsizdigi tolyq qamtamasyz etilip jatqanyn atap ótti.
