Polisia.kz málimeti boıynsha, bopsalaý faktisi birneshe ret qaıtalanǵan.
Alǵashynda jigitten 2 mıllıon teńge alyp, keıin odan 1 540 000 teńge somasynda taǵy da aqsha talap etken. 18 jastaǵy jigit polısıaǵa habarlasyp, mán-jaıdy túsindirip, kómek suraǵan.
Onyń aıtýynsha, qyz ony “Zorlaý” faktisi boıynsha ústińnen is qozǵatamyn dep qorqytqan.
Alaıda jigit jynystyq qatynas eki jaqty kelisimmen boldy dep aqtalady. Ekeýi, tipti áriptester eken. Ol qyz jaqsy tanysym, tipti turǵylyqty mekeni Shymkent qalasyna alyp baryp, ata-anammen tanystyrdym deıdi.
Atyraý oblysy Polısıa departamentiniń Ekstremızmge qarsy is-qımyl basqarmasy jedel is-shara kezinde kúdiktini jigitten 500 000 teńge kóleminde aqsha alyp jatqan kezinde ustady.
Tekserý kezinde qyz destrýktıvti dinı aǵym ókili ekendigi anyqtaldy. Qazirgi ýaqytta 21 jastaǵy qala turǵynyna qatysty QR QK 194-baby 1-bóligimen (Qorqytyp alý) sotqa deıingi tergep-tekserý amaldary júrgizilýde. Sondaı-aq aqsha bopsalaǵan qyzdyń bopsalaý qylmysy boıynsha basqa da faktilerge qatystylyǵy tekserilýde. Kúdikti ýaqytsha ustaý ızolátoryna qamaýǵa alyndy, - deıdi Atyraý oblystyq PD.
https://youtu.be/lChjMMM-vok
