اتىراۋدا بوزبالانى بوپسالاعان "دٸندار" قىز قىلمىس ٷستٸندە ۇستالدى (ۆيدەو)
Polisia.kz مەلٸمەتٸ بويىنشا, بوپسالاۋ فاكتٸسٸ بٸرنەشە رەت قايتالانعان.
العاشىندا جٸگٸتتەن 2 ميلليون تەڭگە الىپ, كەيٸن ودان 1 540 000 تەڭگە سوماسىندا تاعى دا اقشا تالاپ ەتكەن. 18 جاستاعى جٸگٸت پوليتسيياعا حابارلاسىپ, مەن-جايدى تٷسٸندٸرٸپ, كٶمەك سۇراعان.
ونىڭ ايتۋىنشا, قىز ونى “زورلاۋ” فاكتٸسٸ بويىنشا ٷستٸڭنەن ٸس قوزعاتامىن دەپ قورقىتقان.
الايدا جٸگٸت جىنىستىق قاتىناس ەكٸ جاقتى كەلٸسٸممەن بولدى دەپ اقتالادى. ەكەۋٸ, تٸپتٸ ەرٸپتەستەر ەكەن. ول قىز جاقسى تانىسىم, تٸپتٸ تۇرعىلىقتى مەكەنٸ شىمكەنت قالاسىنا الىپ بارىپ, اتا-اناممەن تانىستىردىم دەيدٸ.
اتىراۋ وبلىسى پوليتسييا دەپارتامەنتٸنٸڭ ەكسترەميزمگە قارسى ٸس-قيمىل باسقارماسى جەدەل ٸس-شارا كەزٸندە كٷدٸكتٸنٸ جٸگٸتتەن 500 000 تەڭگە كٶلەمٸندە اقشا الىپ جاتقان كەزٸندە ۇستادى.
تەكسەرۋ كەزٸندە قىز دەسترۋكتيۆتٸ دٸني اعىم ٶكٸلٸ ەكەندٸگٸ انىقتالدى. قازٸرگٸ ۋاقىتتا 21 جاستاعى قالا تۇرعىنىنا قاتىستى قر قك 194-بابى 1-بٶلٸگٸمەن (قورقىتىپ الۋ) سوتقا دەيٸنگٸ تەرگەپ-تەكسەرۋ امالدارى جٷرگٸزٸلۋدە. سونداي-اق اقشا بوپسالاعان قىزدىڭ بوپسالاۋ قىلمىسى بويىنشا باسقا دا فاكتٸلەرگە قاتىستىلىعى تەكسەرٸلۋدە. كٷدٸكتٸ ۋاقىتشا ۇستاۋ يزولياتورىنا قاماۋعا الىندى, - دەيدٸ اتىراۋ وبلىستىق پد.
https://youtu.be/lChjMMM-vok
