Atyraý bazarlary men saýda oryndary Atyraý oblysynyń Bas memlekettik sanıtarıalyq dárigeriniń qaýlysyna saı jumystaryn jasaı beredi, – dep habarlaıdy Atyraý oblystyq komýnıkasıalar qyzmeti.

Keı áleýmettik jelide «Atyraýda bazarlar 5 qańtarǵa deıin jumys istemeıdi» degen jalǵan aqparat tarady.

Osyǵan qatysty oblystyq sanıtarıalyq-epıdemıologıalyq baqylaý departamenti Atyraý bazarlary men saýda oryndary ádettegideı qalyppen jumystaryn jalǵastyratynyn aıtty.

Olar dúısenbi jáne juma kúnderi saǵat 09:00-den 19:00-ge deıin, senbi kúni saǵat 09:00-den 17:00-ge deıin jumys isteıdi. Sanıtarıa sharalarynyń  kúsheıtilýine baılanysty tek jeksenbi kúni jumys istemeıdi.