Atyraý oblysynyń qylmystyq ister jónindegi mamandandyrylǵan aýdanaralyq sotynda enesin óltirdi dep aiyptalǵan J.-ǵa qatysty qylmystyq is qaraldy, dep habarlaidy Dalanews.kz.
2025 jyly 10 mamyrda K. tósek tartyp jatqan qart anasyn (1942 jyly týǵan) Jasqairat aýylyna kútim jasaý úshin alyp kelgen. Áieli J. buǵan qarsy bolyp, arty janjalǵa ákep soqqan. 2025 jyly 27 mamyrda kúieýi joqtyǵyn paidalanǵan J. dármensiz enesiniń basyna as úi pyshaǵymen 4-5 ret soqqy jasaǵan. Jábirlenýshi aýdandyq aýrýhanada qaitys bolǵan.
Sot QK-niń 99-baby 2-bóligi 3-tarmaǵynda kózdelgen áreketti J. esi durys emes kúide jasaǵanyn anyqtaǵan. QK-niń 16-babyna sáikes ol qylmystyq jaýapkershilikten bosatylǵan.
Sot qaýlysymen J.-ǵa psihiatriialyq aýrýhanada meditsinalyq sipattaǵy májbúrleý sharalary taǵaiyndalǵan.
