Atyraý oblysynda aýa raiynyń nasharlaýyna bailanysty respýblikalyq mańyzy bar tasjoldyń bir bóliginde kólik qozǵalysyna ýaqytsha shekteý engiziledi, dep habarlaidy Dalanews.kz
"2026 jylǵy 9 naýryz saǵat 10:00-den bastap «Aqtóbe — Qandyaǵash — Dossor — Atyraý — RF shekarasy» avtojolynyń 621–841 shaqyrym aralyǵynda, iaǵni Atyraý qalasy men Qurmanǵazy aýyly arasyndaǵy ýchaskede kóliktiń barlyq túriniń qozǵalysyna shekteý qoiylady", - delingen QazAvtoJol habarlamasynda.
Vedomstvonyń habarlaýynsha, shekteý aýa raiynyń qolaisyzdyǵyna bailanysty engizilip otyr. Mundai shara júrgizýshilerdiń qaýipsizdigin qamtamasyz etý maqsatynda qabyldanady.
Aldyn ala jospar boiynsha, jol qozǵalysy 2026 jylǵy 10 naýryz saǵat 09:00-de qaita ashylady.
Jol qyzmeti júrgizýshilerge alys saparǵa shyǵar aldynda joldardyń jaǵdaiyn tekserip, qaýipsizdik sharalaryn saqtaýdy eskertedi. Qosymsha aqparatty 1403 bailanys ortalyǵy arqyly táýlik boiy alýǵa bolady.
