اتىراۋ وبلىسىندا اۋا رايىنىڭ ناشارلاۋىنا بايلانىستى رەسپۋبليكالىق ماڭىزى بار تاسجولدىڭ بٸر بٶلٸگٸندە كٶلٸك قوزعالىسىنا ۋاقىتشا شەكتەۋ ەنگٸزٸلەدٸ, دەپ حابارلايدى Dalanews.kz
"2026 جىلعى 9 ناۋرىز ساعات 10:00-دەن باستاپ «اقتٶبە — قاندىاعاش — دوسسور — اتىراۋ — رف شەكاراسى» اۆتوجولىنىڭ 621–841 شاقىرىم ارالىعىندا, ياعني اتىراۋ قالاسى مەن قۇرمانعازى اۋىلى اراسىنداعى ۋچاسكەدە كٶلٸكتٸڭ بارلىق تٷرٸنٸڭ قوزعالىسىنا شەكتەۋ قويىلادى", - دەلٸنگەن قازاۆتوجول حابارلاماسىندا.
ۆەدومستۆونىڭ حابارلاۋىنشا, شەكتەۋ اۋا رايىنىڭ قولايسىزدىعىنا بايلانىستى ەنگٸزٸلٸپ وتىر. مۇنداي شارا جٷرگٸزۋشٸلەردٸڭ قاۋٸپسٸزدٸگٸن قامتاماسىز ەتۋ ماقساتىندا قابىلدانادى.
الدىن الا جوسپار بويىنشا, جول قوزعالىسى 2026 جىلعى 10 ناۋرىز ساعات 09:00-دە قايتا اشىلادى.
جول قىزمەتٸ جٷرگٸزۋشٸلەرگە الىس ساپارعا شىعار الدىندا جولداردىڭ جاعدايىن تەكسەرٸپ, قاۋٸپسٸزدٸك شارالارىن ساقتاۋدى ەسكەرتەدٸ. قوسىمشا اقپاراتتى 1403 بايلانىس ورتالىعى ارقىلى تەۋلٸك بويى الۋعا بولادى.
