Budan basqa, biyl 3 mektep pen 6 balabaqshanyń qurylysy bastalady. Onyń ishinde, Atyraý qalasy «Kóktem» yqsham aýdanyndaǵy 160 oryndyq balabaqsha men Inder aýdany Esbol aýylyndaǵy 320 oryndyq mekteptiń qurylysy bar.
«Bul týraly Atyraý oblysynyń ákimi Mahambet Dosmuhambetov ótken jyly atqarylǵan jumystardyń esebin berý kezinde aitty» dep habarlaidy Atyraý oblystyq kommýnikatsiialar qyzmeti.
«Qurylysy júrip jatqan 8 balabaqsha jáne 5 mektep biyl aiaqtalady. Nátijesinde 3 170 búldirshin balabaqshamen qamtylyp, 4 myńnan astam bala jańa mektepke barady» dep atap ótti Atyraý oblysynyń ákimi Mahambet Dosmuhambetov.
Atap ótý kerek, byltyr mektepke deiingi 9 uiym ashylyp, 2 mekteptiń qurylysy aiaqtaldy. Nátijesinde 1 360 sábi balabaqshamen qamtylyp, 1 apatty jáne 1 úsh aýysymdy mekteptiń máselesi sheshildi. Jáne ótken jyly oblys pedagogtarynyń qatary 309 mamanmen tolyqty.
Eske sala ketelik, Atyraý oblysynyń ákimi Mahambet Dosmuhambetov onlain formatta esep berýde. Ákim esebi «Kaspian niýs», «Atyraý» kanaldarynda tikelei efirde, atyrau.gov.kz saity jáne ákimdiktiń áleýmettik jelilerindegi resmi paraqshalarynda kórsetilýde.
