بۇدان باسقا، بيىل 3 مەكتەپ پەن 6 بالاباقشانىڭ قۇرىلىسى باستالادى. ونىڭ ىشىندە، اتىراۋ قالاسى «كوكتەم» ىقشام اۋدانىنداعى 160 ورىندىق بالاباقشا مەن يندەر اۋدانى ەسبول اۋىلىنداعى 320 ورىندىق مەكتەپتىڭ قۇرىلىسى بار.
«بۇل تۋرالى اتىراۋ وبلىسىنىڭ اكىمى ماحامبەت دوسمۇحامبەتوۆ وتكەن جىلى اتقارىلعان جۇمىستاردىڭ ەسەبىن بەرۋ كەزىندە ايتتى» دەپ حابارلايدى اتىراۋ وبلىستىق كوممۋنيكاسيالار قىزمەتى.
«قۇرىلىسى ءجۇرىپ جاتقان 8 بالاباقشا جانە 5 مەكتەپ بيىل اياقتالادى. ناتيجەسىندە 3 170 ءبۇلدىرشىن بالاباقشامەن قامتىلىپ، 4 مىڭنان استام بالا جاڭا مەكتەپكە بارادى» دەپ اتاپ ءوتتى اتىراۋ وبلىسىنىڭ اكىمى ماحامبەت دوسمۇحامبەتوۆ.
اتاپ ءوتۋ كەرەك، بىلتىر مەكتەپكە دەيىنگى 9 ۇيىم اشىلىپ، 2 مەكتەپتىڭ قۇرىلىسى اياقتالدى. ناتيجەسىندە 1 360 ءسابي بالاباقشامەن قامتىلىپ، 1 اپاتتى جانە 1 ءۇش اۋىسىمدى مەكتەپتىڭ ماسەلەسى شەشىلدى. جانە وتكەن جىلى وبلىس پەداگوگتارىنىڭ قاتارى 309 مامانمەن تولىقتى.
ەسكە سالا كەتەلىك، اتىراۋ وبلىسىنىڭ اكىمى ماحامبەت دوسمۇحامبەتوۆ ونلاين فورماتتا ەسەپ بەرۋدە. اكىم ەسەبى «كاسپيان نيۋس»، «اتىراۋ» كانالدارىندا تىكەلەي ەفيردە، atyrau.gov.kz سايتى جانە اكىمدىكتىڭ الەۋمەتتىك جەلىلەرىندەگى رەسمي پاراقشالارىندا كورسەتىلۋدە.
