Almaty mektepterinde politsiia kúsheitilgen rejimde kezekshilik atqaryp jatyr, dep habarlaidy Dalanews.kz.
Messendjerlerde Almatydaǵy mektepterge shabýyl jasalýy múmkin degen habarlamalar taraǵannan keiin oqý oryndarynda qaýipsizdik sharalary kúsheitildi. Bul týraly qalalyq bilim basqarmasy málimdedi.
Vedomstvo málimetinshe, sabaqtardy toqtatýǵa nemese qashyqtan oqytýǵa kóshýge negiz joq.
"Qalanyń quqyq qorǵaý organdary jaǵdaidan habardar jáne ony baqylaýda ustap otyr. Olarmen birlesip bilim alýshylar men bilim berý uiymdary qyzmetkerleriniń qaýipsizdigin qamtamasyz etýge baǵyttalǵan qosymsha aldyn alý sharalary qabyldandy", – dep jazylǵan basqarma taratqan habarlamada.
Sondai-aq, bilim basqarmasy ókili Almatydaǵy bilim berý uiymdary qalypty rejimde jumys istep jatqanyn atap ótti. Jaýaptylar ata-analar men qala turǵyndaryn sabyr saqtap, tek resmi aqparat kózderine senýge shaqyrdy.
