Qaraǵandy oblysynda asyrap alǵan balalardy jyldar boiy qorlaǵan otbasy sottaldy, dep habarlaidy dalanews.kz.
Tergeý jáne sot barysynda erli-zaiypty men olardyń qyzy balalarǵa qatygezdik kórsetip, uryp-soqqany, aýyr jumys istetkeni jáne qorlaǵany anyqtalǵan.
Sot sheshimimen otaǵasy 12 jylǵa, jubaiy 10 jylǵa bas bostandyǵynan aiyrylǵan. Al olardyń qyzy 4 jyl 8 aiǵa sottaldy. Sonymen qatar, olar qaraýynda bolǵan ár balaǵa 10 million teńgeden ótemaqy tóleýge mindetteldi.
Qarqaraly aýdany Qoiandy aýylyndaǵy patronat otbasyna alty bala 2018 jyly ornalastyrylǵan. Er adam mektep direktory, al jubaiy pedagog bolyp jumys istegen. Balalar qorlyq kórip júrgeni 2023 jyly belgili boldy. Sot-meditsinalyq saraptama qorytyndysy boiynsha olardyń denesinen 19-dan 47-ge deiin túrli jaraqat izi anyqtalǵan. Arasynda soqqydan qalǵan tyrtyqtar men kúiik izderi de bar.
Sot otyrysynda aiyptalýshylar ózderine taǵylǵan aiypty moiyndamaǵan. Olar shyǵarylǵan úkimmen kelispeitinin aityp, apelliatsiialyq shaǵym berýge nietti ekenin jetkizgen.
