قاراعاندى وبلىسىندا اسىراپ العان بالالاردى جىلدار بويى قورلاعان وتباسى سوتتالدى, دەپ حابارلايدى dalanews.kz.
تەرگەۋ جەنە سوت بارىسىندا ەرلٸ-زايىپتى مەن ولاردىڭ قىزى بالالارعا قاتىگەزدٸك كٶرسەتٸپ, ۇرىپ-سوققانى, اۋىر جۇمىس ٸستەتكەنٸ جەنە قورلاعانى انىقتالعان.
سوت شەشٸمٸمەن وتاعاسى 12 جىلعا, جۇبايى 10 جىلعا باس بوستاندىعىنان ايىرىلعان. ال ولاردىڭ قىزى 4 جىل 8 ايعا سوتتالدى. سونىمەن قاتار, ولار قاراۋىندا بولعان ەر بالاعا 10 ميلليون تەڭگەدەن ٶتەماقى تٶلەۋگە مٸندەتتەلدٸ.
قارقارالى اۋدانى قوياندى اۋىلىنداعى پاترونات وتباسىنا التى بالا 2018 جىلى ورنالاستىرىلعان. ەر ادام مەكتەپ ديرەكتورى, ال جۇبايى پەداگوگ بولىپ جۇمىس ٸستەگەن. بالالار قورلىق كٶرٸپ جٷرگەنٸ 2023 جىلى بەلگٸلٸ بولدى. سوت-مەديتسينالىق ساراپتاما قورىتىندىسى بويىنشا ولاردىڭ دەنەسٸنەن 19-دان 47-گە دەيٸن تٷرلٸ جاراقات ٸزٸ انىقتالعان. اراسىندا سوققىدان قالعان تىرتىقتار مەن كٷيٸك ٸزدەرٸ دە بار.
سوت وتىرىسىندا ايىپتالۋشىلار ٶزدەرٸنە تاعىلعان ايىپتى مويىنداماعان. ولار شىعارىلعان ٷكٸممەن كەلٸسپەيتٸنٸن ايتىپ, اپەللياتسييالىق شاعىم بەرۋگە نيەتتٸ ەكەنٸن جەتكٸزگەن.
