Tanymal telejúrgizýshi, «Astarly aqiqat» baǵdarlamasynyń júrgizýshi Ashat Sadyrbai burynǵy jubaiy Aiǵanym Qorabaevaǵa qarsy azamattyq talap aryz bergen. Qujat Almaty qalasynyń azamattyq sotyna túsken, dep habarlaidy Dalanews.kz.
Talap aryzda kórsetilgendei, Sadyrbai Qorabaevanyń Instagram, TikTok, YouTube jáne Facebook jelilerinde onyń ar-namysyna, abyroiyna jáne iskerlik bedeline nuqsan keltiretin jalǵan málimetter taratqanyn alǵa tartady.
Telejúrgizýshiniń aitýynsha, Aiǵanym Qorabaevanyń tarapynan aitylǵan «qysym kórsetti», «balamen sotqa súiredi», «qorlyq jasady» degen mazmundaǵy málimdemeler shyndyqqa janaspaidy jáne bul jeke ómirge qol suǵýshylyq dep baǵalanǵan.
Ashat Sadyrbai sottan myna talaptardy qanaǵattandyrýdy surap otyr:
- taratylǵan aqparatty shyndyqqa sáikes emes dep taný;
- áleýmettik jelilerde keshirim suraǵan beine nemese aýdio úndeý jariialaý;
- jazbasha keshirim hatyn joldaý;
- sondai-aq moraldyq shyǵyn retinde 1 500 000 teńge tóleý.
Sonymen qatar, keshirim haty men jazbasynyń kóshirmesi «Astarly aqiqat» redaktsiiasyna usynylýy qajet degen talap ta qoiylǵan.
Bul azamattyq is 2025 jylǵy 21 aqpanda tirkelgen. Qazirgi tańda is Almaty qalalyq sotynda qaralýda. Eki taraptan da resmi pikir berilmegen.
Óz kezeginde Aiǵanym Qorabaeva protsestiń ashyq túrde ótkenin qalaitynyn bildirgen. Onyń oiynsha, sot otyrysyna jýrnalister de qatysýy tiis.
