Astanadaǵy Oqýshylar saraiynda ornalasqan referendým ýchaskesinen «Azattyq» tilshisi Joldas Órisbaidyń politsiia tarapynan alyp ketilgeni habarlandy. Sondai-aq onymen birge Informburo tilshisi de ustalǵan bolýy múmkin, dep habarlaidy Dalanews.kz.
Astana qalasy Almaty aýdandyq politsiia basqarmasy Joldas Órisbaidyń ustalǵanyn Azattyqqa rastady.
«Qandai negizde ustadyńyzdar?» degen suraqqa kezekshi bólimde ózin Seiit Buqarbai dep tanystyrǵan qyzmetker «zańǵa qaishy áreket jasady ma, joq pa – sony anyqtaimyz» dep jaýap bergen.
Onyń aitýynsha, jýrnalister politsiia basqarmasyna jetkizilgen.
«Ol kisilerdi osynda alyp keldi. Qazir túsinikteme alady. Sodan keiin jiberedi», – degen ol.
Sondai-aq Astanadaǵy Oqýshylar saraiynda ornalasqan referendým ýchaskesinde jýrnalist, «Azattyqtyń» burynǵy tilshisi Sániia Toikenniń de politsiia tarapynan ustalǵany aityldy. Bul týraly «Azattyqqa» aty-jónin atamaýdy suraǵan jýrnalist habarlaǵan.
Onyń sózinshe, Sániia Toiken ustalǵan sátte jaǵdaidyń mán-jaiyn suramaq bolǵan Informburo saitynyń tilshisin de politsiia birge alyp ketken.
Málimetke qaraǵanda, Oqýshylar saraiynda №50, №51, №58 jáne №483 siiaqty birneshe sailaý ýchaskesi ornalasqan.
