Jinalǵandar Joldaýda áleýmettik máselelerge, onyń ishinde halyqty turǵyn úimen qamtamasyz etýge basymdyq berilgenin erekshe qýanyshpen qabyldady. «Jastar úshin mańyzdysy – baspana máselesi.
Bul oraida Prezidenttiń jinaqtaýshy zeinetaqy qoryndaǵy aqshany baspana máselesin sheshýge jáne bilim alýǵa, oqý aqysyn tóleýge paidalanýǵa bolady degeni barshamyzdy qýantyp otyr.
Shynynda da, jumys isteitin jastar úshin óziniń jinaqtaýshy zeinetaqy qoryndaǵy aqshany baspana alýǵa jumsaýy – taptyrmaityn múmkindik», - dedi «Astana jastary» resýrstyq ortalyǵynyń jetekshisi Shyńǵys Tileýlin.
Aita keteiik, «Syndarly qoǵamdyq dialog – Qazaqstannyń turaqtylyǵy men órkendeýiniń negizi» atty Joldaýynda Qazaqstan Prezidenti aýyldy damytý qajettigine toqtaldy.
Osy maqsatta Úkimetke «Aýyl – el besigi» arnaiy jobasyn júzege asyrýǵa 90 mlrd teńge bólýdi tapsyrdy.
«Óte aýqymdy, asa igilikti is dep bilem. Jalpy, Qazaqstanda 4 mln jas bar desek, sonyń 1 mln 700-deii aýyldyq jerde turady, bul aýyldyq jastarǵa óz kásipterin ashyp, týǵan jerdi gúldendirýge múmkindik bolmaq. Aýyldardaǵy infraqurylymdy, emhana, mektepterdi kóterýge bolady», - «Qazaqstandyq memlekettik-jekemenshik áriptestik ortalyǵy» AQ sarapshysy Baqytjamal Ǵabdrahimova.
