جينالعاندار جولداۋدا الەۋمەتتىك ماسەلەلەرگە، ونىڭ ىشىندە حالىقتى تۇرعىن ۇيمەن قامتاماسىز ەتۋگە باسىمدىق بەرىلگەنىن ەرەكشە قۋانىشپەن قابىلدادى. «جاستار ءۇشىن ماڭىزدىسى – باسپانا ماسەلەسى.
بۇل ورايدا پرەزيدەنتتىڭ جيناقتاۋشى زەينەتاقى قورىنداعى اقشانى باسپانا ماسەلەسىن شەشۋگە جانە ءبىلىم الۋعا، وقۋ اقىسىن تولەۋگە پايدالانۋعا بولادى دەگەنى بارشامىزدى قۋانتىپ وتىر.
شىنىندا دا، جۇمىس ىستەيتىن جاستار ءۇشىن ءوزىنىڭ جيناقتاۋشى زەينەتاقى قورىنداعى اقشانى باسپانا الۋعا جۇمساۋى – تاپتىرمايتىن مۇمكىندىك»، - دەدى «استانا جاستارى» رەسۋرستىق ورتالىعىنىڭ جەتەكشىسى شىڭعىس تىلەۋلين.
ايتا كەتەيىك، «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىندا قازاقستان پرەزيدەنتى اۋىلدى دامىتۋ قاجەتتىگىنە توقتالدى.
وسى ماقساتتا ۇكىمەتكە «اۋىل – ەل بەسىگى» ارنايى جوباسىن جۇزەگە اسىرۋعا 90 ملرد تەڭگە ءبولۋدى تاپسىردى.
«وتە اۋقىمدى، اسا يگىلىكتى ءىس دەپ بىلەم. جالپى، قازاقستاندا 4 ملن جاس بار دەسەك، سونىڭ 1 ملن 700-دەيى اۋىلدىق جەردە تۇرادى، بۇل اۋىلدىق جاستارعا ءوز كاسىپتەرىن اشىپ، تۋعان جەردى گۇلدەندىرۋگە مۇمكىندىك بولماق. اۋىلدارداعى ينفراقۇرىلىمدى، ەمحانا، مەكتەپتەردى كوتەرۋگە بولادى»، - «قازاقستاندىق مەملەكەتتىك-جەكەمەنشىك ارىپتەستىك ورتالىعى» اق ساراپشىسى باقىتجامال عابدراحيموۆا.
