Astanada otbasylyq qaiǵyly jaǵdaidy syltaýratyp jasalǵan alaiaqtyq áshkere boldy, dep habarlaidy Dalanews.kz.
Sottalǵan áiel dekrettik demalysta bola otyryp, bir jyl boiy óziniń áriptesterin júieli túrde jańylystyryp, otbasynda qaiǵyly oqiǵalar boldy degen syltaýmen, onyń ishinde anasynyń qaitys bolýy jáne balasynyń aýyr hálde ekendigi jóninde kórineý jalǵan málimetter habarlap, sol arqyly olardyń janashyrlyq sezimin týdyrǵan.
Onyń sózderine sengen jáne kómek kórsetkisi kelgen áriptesteri, otbasylyq máselelerdi sheshýge jáne balany emdeýge qajet dep oilap, sottalǵan áielge aqsha qarajatyn aýdaryp otyrǵan.
Qylmystyq áreketterdiń saldarynan jábirlenýshilerge 2 mln teńgeden astam somaǵa shyǵyn keltirilgen.
Jeńildetetin mán-jailardy, atap aitqanda kinásin moiyndaýyn, shyn júrekten ókinýin, keltirilgen zalaldy ishinara óteýin eskere otyryp, sot úkimimen oǵan 3 jyl merzimge probatsiialyq baqylaý belgilene otyryp, bas bostandyǵyn shekteý jazasy taǵaiyndaldy. Úkim zańdy kúshine endi.
