Astanada 20-dan astam azamat kámeletke tolmaǵan alaiaqtan zardap shekti, dep habarlaidy Dalanews.kz.
Alaiaq bank qosymshasy arqyly elorda turǵyndaryna aqshalai kredit resimdeý josparyn ázirlegen.
Jábirlenýshilerdiń aqshasyn treidingtik kompaniialarǵa investitsiialaitynyn aityp, nesieni ózi jabýǵa ýáde bergen.
"Sonymen qatar jábirlenýshilerdi qaryz somasynyń 22%-yn, sondai-aq kelgen ár jańa klient úshin 10% syiaqy beremin aldaǵan", - dep jazylǵan Astana qalasynyń prokýratýrasynyń habarlamasynda.
Osylaisha, kámeletke tolmaǵan alaiaq 20 jábirlenýshiniń 11 mln teńgeden astam aqshalai qarajatyn jymqyrǵan.
Sotta memlekettik aiyptaýshy sottalýshynyń kinásin dáleldep, onyń jábirlenýshiler úshin tabys tabý nieti bolmaǵanyn anyqtady. Barlyq aqshalai qarajatty óz qajetine jumsaǵany sotta dáleldendi.
Sot úkimimen jábirlenýshilerge keltirilgen zalal tolyqtai óndirilip, kináli tulǵa sottaldy. Jábirlenýshilerdiń azamattyq talaptary qanaǵattandyryldy. Úkim zańdy kúshine endi.
