Áleýmettik jelide Astanadaǵy №37 mekteptiń mańynda tóbeles bolyp, eki oqýshynyń qaza taýyp, úsheýiniń aýyr jaralanǵany týraly aqparat tarady. Osy oqiǵaǵa qatysty politsiia túsinikteme berdi, dep habarlaidy Dalanews.kz.
Politsiia departamentiniń ókilderi tóbeles týraly aqparat shyndyqqa janaspaitynyn atap ótti.
"Áleýmettik jelilerde Astana qalasyndaǵy №37 mekteptiń janynda tóbeles bolǵany týraly jáne eki adamnyń qaza taýyp, birneshe adamnyń aýrýhanaǵa túskeni jaily shyndyqqa janaspaityn aqparat tarady. Tóbelestiń oryn alǵany, sondai-aq onyń barysynda qaza tapqandar men zardap shekkender týraly aqparat shyndyqqa sáikes kelmeidi", - dep habarlady politsiia departamenti.
Politsiia tek resmi aqparatqa senýge shaqyrdy.
"Astana qalasynyń Politsiia departamenti kórineý jalǵan aqparat taratqany úshin qylmystyq jaýapkershilik kózdeletinin eskertedi. Aqparatty tek resmi derekkózderden ǵana alýdy suraimyz", - delingen habarlamada.
