الەۋمەتتىك جەلىدە استاناداعى №37 مەكتەپتىڭ ماڭىندا توبەلەس بولىپ، ەكى وقۋشىنىڭ قازا تاۋىپ، ۇشەۋىنىڭ اۋىر جارالانعانى تۋرالى اقپارات تارادى. وسى وقيعاعا قاتىستى پوليسيا تۇسىنىكتەمە بەردى، دەپ حابارلايدى Dalanews.kz.
پوليسيا دەپارتامەنتىنىڭ وكىلدەرى توبەلەس تۋرالى اقپارات شىندىققا جاناسپايتىنىن اتاپ ءوتتى.
"الەۋمەتتىك جەلىلەردە استانا قالاسىنداعى №37 مەكتەپتىڭ جانىندا توبەلەس بولعانى تۋرالى جانە ەكى ادامنىڭ قازا تاۋىپ، بىرنەشە ادامنىڭ اۋرۋحاناعا تۇسكەنى جايلى شىندىققا جاناسپايتىن اقپارات تارادى. توبەلەستىڭ ورىن العانى، سونداي-اق ونىڭ بارىسىندا قازا تاپقاندار مەن زارداپ شەككەندەر تۋرالى اقپارات شىندىققا سايكەس كەلمەيدى"، - دەپ حابارلادى پوليسيا دەپارتامەنتى.
پوليسيا تەك رەسمي اقپاراتقا سەنۋگە شاقىردى.
"استانا قالاسىنىڭ پوليسيا دەپارتامەنتى كورىنەۋ جالعان اقپارات تاراتقانى ءۇشىن قىلمىستىق جاۋاپكەرشىلىك كوزدەلەتىنىن ەسكەرتەدى. اقپاراتتى تەك رەسمي دەرەككوزدەردەن عانا الۋدى سۇرايمىز"، - دەلىنگەن حابارلامادا.
