Astanada «Taza Qazaqstan» aktsiiasy aiasynda mektep oqýshylary arasynda «Qustardy saqta!» atty is-shara ótti, dep habarlaidy Dalanews.kz elorda ákimdiginiń resmi saityna silteme jasap.
Qustarǵa qamqorlyq tanytýǵa, jas urpaqtyń boiynda janashyrlyq sezimin qalyptastyrýǵa baǵyttalǵan is-sharaǵa 100-ge jýyq ata-ana men bala qatysty.
«Mektebimizde «Jaqsylyq jasa» atty uranymen birqatar igi is-shara dástúrli túrde ótkizilip keledi. Bul jalpyqalalyq aktsiianyń negizgi maqsaty – óskeleń urpaqty qorshaǵan ortany qorǵaý, tabiǵatty súiýge tárbieleý, turǵyndar men mektep oqýshylarynyń ekologiialyq kózqarasy men tabiǵat aldyndaǵy jaýapkershiligin qalyptastyrý, ekologiialyq mádenietti arttyrý, sonymen birge tabiǵatty qorǵaý jumysyna aralastyrý. Jaqsylyq jasaýda ata-analar balalarymen birge túrli qolóner buiymdaryn ázirlep, mektep jármeńkesine usynady.
Oqýshylarymyz qarttar úiine de baryp, óz ónerlerin pash etip, merekelik kontsert uiymdastyryp jatady. Iaǵni, bastysy qaiyrymdylyqty nasihattaýdy kózdeimiz, – dedi №79 mektep-litseiiniń direktory Quralai Muqysheva.
«Taza Qazaqstan» aiasynda ótken is-sharaǵa qatysqan bastaýysh synyp oqýshylary ata-analarymen birge qus uialaryn óz qoldarymen arnaiy daiyndap, mektep aýmaǵynda ildi. Jyl saiyn atalǵan is-sharadan qalys qalmai, belsendilik tanytyp kele jatqan ata-analardyń qatarynda Ońdasyn Serikuly bar.
«№79 mektep-litseiinde úsh balam oqidy. Balalarymmen birge uialardy úide jasaýdy jaqsy dástúrge ainaldyrdyq. Búginde Astananyń birqatar saiabaqtarynda otbasymyzdyń daiyndaǵan qus uialary ilýli tur. 2-synypta oqityn balam Dinmuhamed Ońdasynulymen birge mektep aýlasynda da qustardyń da turaqtap, qalalyqtardyń kóńilin ásem áýenimen qýantyp tursyn degen nietpen uialar jasap, ildik. Bala kórgenin isteidi, sondyqtan osyndai izgilikke bastaityn bastamalardyń bolǵany qýantady», - dedi ata-ana.
