– Qazaqstan Respýblikasynyń «Memlekettik áleýmettik kómek týraly» Zańynyń babyna sáikes, Astana qalasynda turaqty tirkelgen Astana qalasynyń turaqty turǵyndary ataýly áleýmettik kómek alýǵa quqyly. Toqsan saiyn taǵaiyndalatyn jáne ai saiyn tólenetin ataýly áleýmettik kómekti taǵaiyndaý úshin qujattardy usyný úshin ataýly áleýmettik kómek alýǵa úmitkerler Beibitshilik kóshesi, 14 mekenjaiynda ornalasqan «Januia» otbasy institýtyn qoldaý ortalyǵyna júgine alady, – dedi Aigúl Talasova.
Onyń aitýynsha, ataýly áleýmettik kómek alý úshin tabys týraly málimet berý kerek. Otbasynyń jiyntyq tabysyn esepteý týraly zańnamaǵa sáikes tabysua jalaqy jáne áleýmettik tólemder túrinde alynǵan kirister kiredi.
Onyń ishinde keibir áleýmettik tólemder – tórt jáne odan da kóp balasy bar kóp balaly otbasylarǵa beriletin arnaýly memlekettik járdemaqylar; 2011 jylǵy 26 jeltoqsandaǵy «Neke (erli-zaiyptylyq) jáne otbasy týraly» Kodeksinde kórsetilgen balalarǵa arnalǵan aliment túrindegi tabystar; kásipkerlik tabys; jyljymaityn múlikti, kólik quraldaryn jalǵa berýden jáne satýdan túsetin kirister; baǵaly qaǵazdardan túsken tabys; syiǵa tartý, jyljymaityn múlikti, kólik quraldaryn jáne basqa da múlikti muraǵa alý túrinde alynǵan kirister; aqshalai qarajatty óteýsiz alý túrindegi kirister; qolma-qol salymdar boiynsha salymdar túrindegi kirister jáne jazbasha ótinishpen rastalǵan basqa da kirister jatady.
Óz kezeginde Aigúl Talasova Astana úshin kedeishilik shegi 35 482 teńgeni quraitynyn aitty. Eger otbasyndaǵy jan basyna shaqqandaǵy ortasha tabys osy shekten tómen bolsa, onda ataýly áleýmettik kómek taǵaiyndalady. Kómek mólsheri otbasynyń jan basyna shaqqandaǵy ortasha tabysy men kedeilik shegi arasyndaǵy aiyrmashylyq negizinde esepteledi jáne otbasynyń árbir múshesine esepteledi.
