Astana qalasynyń bilim basqarmasy qalanyń keibir mektepterinde túlekterge arnalǵan saltanatty is-sharalardy ótkizýge tyiym salynǵany týraly aqparatqa qatysty túsinikteme berdi, dep habarlaidy Dalanews.kz.
"Sońǵy ýaqytta áleýmettik jelide túlekteri úshin mektep qabyrǵasynda saltanatty is-sharalar ótkizilmeitini týraly jalǵan aqparat taraýda. Osyǵan bailanysty bul aqparat shyndyqqa sáikes kelmeitinin resmi túrde habarlaimyz", delingen habarlamada.
Basqarma mektep túlekterine arnalǵan saltanatty is-shara dástúrli formatta ótetinin naqtylaidy. Túlekter lenta taǵynyp, qoshtasý valsin oryndap, estelikke sýretke túsetin bolady. Biraq emtihan kezeńi qarsańynda ata-analarǵa ustamdy bolý jáne artyq shyǵyndardan aýlaq bolý eskertiledi.
"Barlyq túlekter úshin qaýipsiz jáne teń jaǵdailardy qamtamasyz etý maqsatynda syrtta saltanatty merekeler ótkizý, sondai-aq aqsha jinaý, avtosherýler jáne basqa da osyndai formatta jiyn-toi qurý usynylmaidy", - dep atap ótti vedomstvodan.
