استانا قالاسىنىڭ ءبىلىم باسقارماسى قالانىڭ كەيبىر مەكتەپتەرىندە تۇلەكتەرگە ارنالعان سالتاناتتى ءىس-شارالاردى وتكىزۋگە تىيىم سالىنعانى تۋرالى اقپاراتقا قاتىستى تۇسىنىكتەمە بەردى، دەپ حابارلايدى Dalanews.kz.
"سوڭعى ۋاقىتتا الەۋمەتتىك جەلىدە تۇلەكتەرى ءۇشىن مەكتەپ قابىرعاسىندا سالتاناتتى ءىس-شارالار وتكىزىلمەيتىنى تۋرالى جالعان اقپارات تاراۋدا. وسىعان بايلانىستى بۇل اقپارات شىندىققا سايكەس كەلمەيتىنىن رەسمي تۇردە حابارلايمىز"، دەلىنگەن حابارلامادا.
باسقارما مەكتەپ تۇلەكتەرىنە ارنالعان سالتاناتتى ءىس-شارا ءداستۇرلى فورماتتا وتەتىنىن ناقتىلايدى. تۇلەكتەر لەنتا تاعىنىپ، قوشتاسۋ ءۆالسىن ورىنداپ، ەستەلىككە سۋرەتكە تۇسەتىن بولادى. ءبىراق ەمتيحان كەزەڭى قارساڭىندا اتا-انالارعا ۇستامدى بولۋ جانە ارتىق شىعىنداردان اۋلاق بولۋ ەسكەرتىلەدى.
"بارلىق تۇلەكتەر ءۇشىن ءقاۋىپسىز جانە تەڭ جاعدايلاردى قامتاماسىز ەتۋ ماقساتىندا سىرتتا سالتاناتتى مەرەكەلەر وتكىزۋ، سونداي-اق اقشا جيناۋ، اۆتوشەرۋلەر جانە باسقا دا وسىنداي فورماتتا جيىن-توي قۇرۋ ۇسىنىلمايدى"، - دەپ اتاپ ءوتتى ۆەدومستۆودان.
