Astanada ınvestor sheneýnikterdiń jibergen qateligine baılanysty oqý ordasyn ashýǵa ruqsat ala almaǵan. Bul týraly qalalyq prokýratýra málimdedi, dep habarlaıdy Dalanews.kz.

2020 jyly qalada mektep pen balabaqsha qurylysy bastalǵan bolatyn. Prokýratýranyń málimetinshe, bul jobanyń quny 1,3 mıllıard teńge bolyp, onyń arqasynda 90 adamdy jumyspen qamtýǵa múmkindik týǵan.

“Qurylys aıaqtalǵan soń ýákiletti organ ınvestorǵa nysandy paıdalanýǵa berý úshin qajetti qujattardy berýden bas tartqan. Sheshim jobanyń qate túrde tehnıkalyq kúrdeli nysan sanatyna jatqyzylyp, memlekettik saraptamadan ótýdi talap etýine baılanysty qabyldanǵan”, – delingen habarlamada.

Prokýrorlardyń aralasýynan keıin ınvestor tıisti ruqsat alyp, mektep pen balabaqsha paıdalanýǵa berildi.

Qatelik jibergender jaýapqa tartyldy, biraq olardyń qandaı jaýapkershilikke tartylǵany prokýratýrada naqtylanbady.