QMA Astana qalasy boiynsha departamenti «Qyran» turǵyn úi keshenindegi jyljymaityn múlikti satý jeleýimen aqsha qarajatyn jymqyrý shemasyn uiymdastyrǵan qurylys kompaniiasynyń qyzmetkerlerine qatysty tergeý júrgizýde, dep habarlaidy Dalanews.kz.
Satý keńsesinde qurylys kompaniiasy atynan satyp alýshylarǵa kompaniianyń jyljymaityn múlik nysandaryna menshik quqyǵy bar ekenin «dáleldeitin» maketter, tehnikalyq pasporttar, senimhattar men anyqtamalar kórsetilgen.
Azamattarǵa páterlerdi, kommertsiialyq úi-jailardy jáne parking oryndaryn naryqtyq baǵadan tómen satyp alý usynylyp, mámilelerdiń tolyq zańdy ekeni aitylǵan.
Alaida satyp alý-satý sharttaryn jasaý ornyna kúdiktiler brondaý sharttaryn, kepil týraly kelisimder men aldyn ala sharttardy rásimdegen. Bul qujattar memlekettik tirkeýge jatpaidy jáne satyp alýshylarǵa menshik quqyǵyn bermeidi.
Jábirlenýshiler tólemdi qolma-qol jáne qolma-qol aqshasyz túrde shemanyń qatysýshylarynyń jeke shottaryna aýdarǵan. «International Invest Company IIC» JShS-niń býhgalterlik jáne banktik qujattarynda bul operatsiialar kórsetilmegen.
Nátijesinde azamattardyń 3,8 mlrd teńgeden astam qarajaty jymqyrylǵan.
Budan bólek, kúdiktiler qurylys kompaniiasynyń qarajatyn urlaýǵa baǵyttalǵan ekinshi alaiaqtyq shemany júzege asyrǵan.
Qurylys kompaniianyń atynan klienttermen jalǵan satyp alý-satý sharttaryn jasap, obektilerge menshik quqyqtaryn tirkegen, alaida satýdan túsken qarajat kompaniianyń kassasyna túspegen.
76 jyljymaityn múlik obektisiniń satylýynan 4,1 mlrd teńge jymqyrylǵan.
Osylaisha azamattarǵa jáne kompaniiaǵa keltirilgen jalpy zalal 7,9 mlrd teńgeni qurady.
Sot sanktsiiasymen 94 páterge, 51 parking ornyna, 8 kommertsiialyq úi-jaiǵa jáne bir avtokólikke tyiym salyndy.
Úsh kúdiktige qatysty qamaýǵa alý túrindegi bultartpaý sharasy qoldanyldy.
