1 mamyr – Qazaqstan halqynyń birligi kúni. Aitýly merekeniń qurmetine elordada ziiatkerlik viktorinalar men kórmelerden bastap túrli kontsertter men jarystarǵa deiin ondaǵan mádeni-sporttyq is-shara ótkizý josparlanyp otyr,– dep habarlaidy Dalanews.kz
29 sáýirde elordalyq Qazaqstan halqy assambleiasy músheleriniń qatysýymen qalada «Ózge tildiń bárin bil, óz tilińdi qurmette» atty ziiatkerlik viktorina uiymdastyrylady. Osy kúni M.Ótemisuly atyndaǵy Oqýshylar saraiynda mektep oqýshylary arasynda «Shattyq» baiqaýynyń gala-kontserti ótedi. Munda Qazaqstan halqynyń birligi kúnine orai «Birligimiz jarasqan» retro-ánderiniń kontserti ótedi.
S.Seifýllin atyndaǵy Qazaq agrotehnikalyq ýniversitetinde stýdentter arasynda túrli etnostardyń qatysýymen «Bi óneri – ulttyq mura» atty ulttyq bi baiqaýy ótedi.
30 sáýirde Esil University-de stýdentterdiń qatysýymen «Biz – bir ultpyz» atty dóńgelek ústel, sondai-aq «Birligimiz jarasqan» festivali ótedi. Sol kúni merekege orai Tehnikalyq shyǵarmashylyq ortalyǵynyń tárbielenýshileri arasynda «Tatýlyq mekeni» atty jalpyqalalyq sýret baiqaýy uiymdastyrylady.
№3 balalar mýzykalyq mektebinde oqýshylardyń «Meniń elim – Qazaqstan» merekelik kontserti, al №1 óner mektebinde asfalttaǵy sýretter baiqaýy ótedi.
Máshhúr Júsip atyndaǵy №57 orta mektep qabyrǵasynda dziýdodan 2013-2014 jyldary týǵan jasóspirimder arasynda qalalyq komandalyq birinshilik ótedi.
№2 Balalar mýzykalyq mektebiniń tárbielenýshileri merekege orai «Bir aspan astynda» kontsertin daiyndap otyr.
№2 óner mektebinde 30 sáýirden 5 mamyrǵa deiin «Bir shańyraq astynda» oqýshylar jumysynyń kórmesi ashylady. Sondai-aq, tárbielenýshiler «Birligimiz jarasqan» kontsertine shaqyrady.
Osy kúni «Sharapat» áleýmettik qyzmet kórsetý ortalyǵynda «Bar bereke – birlikte» merekelik kontsertin uiymdastyrady.
Qala turǵyndary men qonaqtary úshin ázirlengen is-sharaǵa toly baǵdarlama 1 mamyr kúni de jalǵasyn tabady.
Osylaisha, Qazaqstan halqynyń birligi kúnine orai elordada arnaiy aktsiia ótip, onda jurtshylyqqa baýyrsaq taratylady.
M.Ótemisuly atyndaǵy Oqýshylar saraiynda merekelik kontsert, al Prezidenttik ortalyqta balalar kórkemsýret mektebi tárbielenýshileriniń sýretterine arnalǵan kórme ázirlenip otyr.
EKSPO halyqaralyq kórme ortalyǵynyń aýmaǵynda 1 mamyr merekesi men QHA-nyń 30 jyldyǵyna orai «Birlik jarysy» jappai júgirý is-sharasy ótedi. Munda da elordalyq Assambleianyń shyǵarmashylyq ujymdarynyń kontserti, sondai-aq halyqtyq sport túrleri boiynsha sport jarystary ótedi.
«Jastar» teatrynyń alańynda qonaqtarǵa arnap kontserttik baǵdarlama ázirlenip otyr.
Bul kúni «Jastar» saraiynda merekelik kontsert uiymdastyrylady. Qonaqtarǵa arnap túrli etnostardyń halyqtyq-qoldanbaly óneri men ulttyq kiimderiniń etnikalyq kórmesi uiymdastyrylady, al kontserttik baǵdarlamada arnaiy shaqyrylǵan juldyzdar óner kórsetedi.
