1 مامىر – قازاقستان حالقىنىڭ بىرلىگى كۇنى. ايتۋلى مەرەكەنىڭ قۇرمەتىنە ەلوردادا زياتكەرلىك ۆيكتورينالار مەن كورمەلەردەن باستاپ ءتۇرلى كونسەرتتەر مەن جارىستارعا دەيىن ونداعان مادەني-سپورتتىق ءىس-شارا وتكىزۋ جوسپارلانىپ وتىر،– دەپ حابارلايدى Dalanews.kz
29 ساۋىردە ەلوردالىق قازاقستان حالقى اسسامبلەياسى مۇشەلەرىنىڭ قاتىسۋىمەن قالادا «وزگە ءتىلدىڭ ءبارىن ءبىل، ءوز ءتىلىڭدى قۇرمەتتە» اتتى زياتكەرلىك ۆيكتورينا ۇيىمداستىرىلادى. وسى كۇنى م.وتەمىس ۇلى اتىنداعى وقۋشىلار سارايىندا مەكتەپ وقۋشىلارى اراسىندا «شاتتىق» بايقاۋىنىڭ گالا-كونسەرتى وتەدى. مۇندا قازاقستان حالقىنىڭ بىرلىگى كۇنىنە وراي «بىرلىگىمىز جاراسقان» رەترو-اندەرىنىڭ كونسەرتى وتەدى.
س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە ستۋدەنتتەر اراسىندا ءتۇرلى ەتنوستاردىڭ قاتىسۋىمەن «بي ونەرى – ۇلتتىق مۇرا» اتتى ۇلتتىق بي بايقاۋى وتەدى.
30 ساۋىردە Esil University-دە ستۋدەنتتەردىڭ قاتىسۋىمەن «ءبىز – ءبىر ۇلتپىز» اتتى دوڭگەلەك ۇستەل، سونداي-اق «بىرلىگىمىز جاراسقان» فەستيۆالى وتەدى. سول كۇنى مەرەكەگە وراي تەحنيكالىق شىعارماشىلىق ورتالىعىنىڭ تاربيەلەنۋشىلەرى اراسىندا «تاتۋلىق مەكەنى» اتتى جالپىقالالىق سۋرەت بايقاۋى ۇيىمداستىرىلادى.
№3 بالالار مۋزىكالىق مەكتەبىندە وقۋشىلاردىڭ «مەنىڭ ەلىم – قازاقستان» مەرەكەلىك كونسەرتى، ال №1 ونەر مەكتەبىندە اسفالتتاعى سۋرەتتەر بايقاۋى وتەدى.
ءماشھۇر ءجۇسىپ اتىنداعى №57 ورتا مەكتەپ قابىرعاسىندا دزيۋدودان 2013-2014 جىلدارى تۋعان جاسوسپىرىمدەر اراسىندا قالالىق كوماندالىق بىرىنشىلىك وتەدى.
№2 بالالار مۋزىكالىق مەكتەبىنىڭ تاربيەلەنۋشىلەرى مەرەكەگە وراي «ءبىر اسپان استىندا» كونسەرتىن دايىنداپ وتىر.
№2 ونەر مەكتەبىندە 30 ساۋىردەن 5 مامىرعا دەيىن «ءبىر شاڭىراق استىندا» وقۋشىلار جۇمىسىنىڭ كورمەسى اشىلادى. سونداي-اق، تاربيەلەنۋشىلەر «بىرلىگىمىز جاراسقان» كونسەرتىنە شاقىرادى.
وسى كۇنى «شاراپات» الەۋمەتتىك قىزمەت كورسەتۋ ورتالىعىندا «بار بەرەكە – بىرلىكتە» مەرەكەلىك كونسەرتىن ۇيىمداستىرادى.
قالا تۇرعىندارى مەن قوناقتارى ءۇشىن ازىرلەنگەن ءىس-شاراعا تولى باعدارلاما 1 مامىر كۇنى دە جالعاسىن تابادى.
وسىلايشا، قازاقستان حالقىنىڭ بىرلىگى كۇنىنە وراي ەلوردادا ارنايى اكسيا ءوتىپ، وندا جۇرتشىلىققا باۋىرساق تاراتىلادى.
م.وتەمىس ۇلى اتىنداعى وقۋشىلار سارايىندا مەرەكەلىك كونسەرت، ال پرەزيدەنتتىك ورتالىقتا بالالار كوركەمسۋرەت مەكتەبى تاربيەلەنۋشىلەرىنىڭ سۋرەتتەرىنە ارنالعان كورمە ازىرلەنىپ وتىر.
ەكسپو حالىقارالىق كورمە ورتالىعىنىڭ اۋماعىندا 1 مامىر مەرەكەسى مەن قحا-نىڭ 30 جىلدىعىنا وراي «بىرلىك جارىسى» جاپپاي جۇگىرۋ ءىس-شاراسى وتەدى. مۇندا دا ەلوردالىق اسسامبلەيانىڭ شىعارماشىلىق ۇجىمدارىنىڭ كونسەرتى، سونداي-اق حالىقتىق سپورت تۇرلەرى بويىنشا سپورت جارىستارى وتەدى.
«جاستار» تەاترىنىڭ الاڭىندا قوناقتارعا ارناپ كونسەرتتىك باعدارلاما ازىرلەنىپ وتىر.
بۇل كۇنى «جاستار» سارايىندا مەرەكەلىك كونسەرت ۇيىمداستىرىلادى. قوناقتارعا ارناپ ءتۇرلى ەتنوستاردىڭ حالىقتىق-قولدانبالى ونەرى مەن ۇلتتىق كيىمدەرىنىڭ ەتنيكالىق كورمەسى ۇيىمداستىرىلادى، ال كونسەرتتىك باعدارلامادا ارنايى شاقىرىلعان جۇلدىزدار ونەر كورسەتەدى.
