Astanada qalany abattandyrý jáne kógaldandyrý jumystary qarqyndy júrip jatyr

Astanada qala keńistigin abattandyrý jáne kógaldandyrý boiynsha aýqymdy jumys jalǵasýda. Bul jumystar elordanyń barlyq aýdandaryn qamtidy. Atap aitqanda, aýlalardy keshendi jańartý, qoǵamdyq keńistikterdi, saiabaqtar men skverlerdi, jaiaý júrginshiler aimaqtaryn abattandyrý júrgizilýde,- dep habarlaidy Dalanews.kz

Qalalyq aýlalarda jańa infraqurylym elementteri ornatylyp jatyr: jaryq shamdary, oryndyqtar, qoqys jáshikteri, balalarǵa arnalǵan oiyn jáne sport alańdary, shaǵyn sáýlet nysandary. Kógaldandyrýǵa erekshe mán berilip, iri kólemdi aǵashtar, kópjyldyq butalar men kógaldar otyrǵyzylýda. Maqsat – jaily ári qaýipsiz orta qalyptastyrý.

Biyl qalada 1 millionnan astam jasyl jelek (iri aǵashtar, kóshetter, butalar jáne t.b.) otyrǵyzý josparlanǵan. Máselen, Máńgilik El dańǵyly boiynda (Uly Dala dańǵylynan bastap Qabanbai batyr dańǵylyna deiingi aralyqta), sondai-aq Esil ózeniniń boiyndaǵy saiabaq klasterinde (Beibitshilik jáne kelisim saiabaǵy, Triatlon parki, Prezidenttik saiabaq, «Qalalyq romans» saiabaǵy) abattandyrý jumystary júrgizilýde. Sondai-aq, Esil naýberejnyi (Qabanbai batyr dańǵylynan Saraishyq kóshesine deiin) abattandyrylyp, jańa demalys aimaqtary men sport infraqurylymy paida bolady.

LRT jelisiniń boiyndaǵy kósheler – Syǵanaq kóshesi men Qabanbai batyr dańǵyly boiynda 7 500 aǵash otyrǵyzylyp, estakada astynda qoǵamdyq keńistikter jasalady. «Han Shatyr» SO-nyń artynda Greenline jaiaý júrginshiler býlvary jalǵasady. Alǵashqy ýchaske Kúltegin kóshesinen Anet baba kóshesine deiingi aralyqta salynbaq. Budan bólek, jańa keńistik Q.Muhamedhanov, Kúltegin, Syǵanaq jáne Anet baba kósheleri arasyndaǵy kvartalda paida bolady.

Abattandyrylǵan aýla mekenjailary boiynsha:

• Almaty aýdany: Táýelsizdik dańǵyly 34/1, Musrepov kóshesi 6/4 jáne 5, Abylai han dańǵyly 19/3, 19, Ryskúlbekov kóshesi 16/1, 16/3, 8/1, 8/7, Mýstafin kóshesi 21/3 jáne 21/2, Qudaiberdiuly dańǵyly 19/2, 24, Manas kóshesi 20/2 jáne 20/1, Kúishi Dina kóshesi 42/2, 40, 23, Jumabaev dańǵyly 1, 16/1, 16/2, Romantikov kóshesi 27. Sonymen qatar «3 gektar» TK men «Aq meshit» meshitiniń arasyndaǵy bos aýmaqta jańa qoǵamdyq keńistik jasaldy.

• Baiqońyr aýdany: 18 aýla ashylyp, 40-qa jýyq aýlada jóndeý jumystary júrgizildi. Ahmet Jubanov kóshesinde jańa skver, Abaia dańǵyly boiynda «Kommýnalshylar» skveri ashyldy. Qazir Abaia dańǵyly (Respýblika dańǵylynan Ýálihanov kóshesine deiin) men Baianaýyl kóshesinde (Ǵabdýllinnen bastap Imanbaevqa deiin) jumys júrip jatyr.

• Saraishyk aýdany: 10-nan astam aýla men qoǵamdyq keńistik ashyldy. Oiyn jáne sport alańdary ornatylyp, kógaldandyrý júrgizildi. «BRAVO FAMILY» TK men «HighVill» jáne «Grand Astana» TK ainalasynda qoǵamdyq keńistik jasalýda. Jumysshy mamandyqtarynyń mańyzyn nasihattaityn «Mamandyqtar alleiasy» atty taqyryptyq skver jobasy iske qosyldy.

• Saryarqa aýdany: 22 aýla men 3 qoǵamdyq keńistik ashyldy, onyń ishinde Altynemel jáne Giote kósheleriniń qiylysynda, Y. Dúkenuly kóshesi men Respýblika dańǵyly boiyndaǵy «Illiýziia skveri».

• Nura aýdany: Ortalyq saiabaq rekonstrýktsiiadan keiin ashyldy. Týran dańǵyly 56 jáne Sh.Aitmatov kóshesi 31 mekenjailarynda jańa aýlalar ashyldy. Buǵan deiin Mámetova kóshesi, Syǵanaq, Anet baba jáne Q.Muhamedhanov kóshelerindegi birqatar aýlalar jańartylǵan bolatyn. Úrker turǵyn alabyndaǵy №69 mektep-gimnaziiasynyń artynda, «Nura» sport kesheni mańynda jáne «Aiǵyrjal» skveri abattandyryldy.

• Esil aýdany: «Halyq qatysatyn biýdjet» baǵdarlamasy aiasynda 6 joba iske asyrylyp jatyr. «Comfort Town», «Astana Juldyz» TK jáne Máńgilik El dańǵyly boiynda aýlalar jańartyldy. Balalar alańdary, tartan jamylǵy, fýtbol alańdary ornatyldy. Dostyq, Qazaq radiosy, Kerei-Jánibek handar, Túrkistan, Geidar Áliev jáne Qabanbai batyr kósheleri boiynda 8 qoǵamdyq keńistik abattandyryldy. Myńdaǵan aǵashtar otyrǵyzyldy.

Aita keteiik, biyl Astanada 170-ke jýyq aýla men qoǵamdyq keńistik (saiabaqtar, skverler, býlvarlar) abattandyrylady. Jumystar barlyq aýdan men turǵyn alaptardy qamtidy. Qazirgi ýaqytta olardyń basym bóligi aiaqtaldy.