استانادا قالا كەڭىستىگىن اباتتاندىرۋ جانە كوگالداندىرۋ بويىنشا اۋقىمدى جۇمىس جالعاسۋدا. بۇل جۇمىستار ەلوردانىڭ بارلىق اۋداندارىن قامتيدى. اتاپ ايتقاندا، اۋلالاردى كەشەندى جاڭارتۋ، قوعامدىق كەڭىستىكتەردى، ساياباقتار مەن سكۆەرلەردى، جاياۋ جۇرگىنشىلەر ايماقتارىن اباتتاندىرۋ جۇرگىزىلۋدە،- دەپ حابارلايدى Dalanews.kz

قالالىق اۋلالاردا جاڭا ينفراقۇرىلىم ەلەمەنتتەرى ورناتىلىپ جاتىر: جارىق شامدارى، ورىندىقتار، قوقىس جاشىكتەرى، بالالارعا ارنالعان ويىن جانە سپورت الاڭدارى، شاعىن ساۋلەت نىساندارى. كوگالداندىرۋعا ەرەكشە ءمان بەرىلىپ، ءىرى كولەمدى اعاشتار، كوپجىلدىق بۇتالار مەن كوگالدار وتىرعىزىلۋدا. ماقسات – جايلى ءارى ءقاۋىپسىز ورتا قالىپتاستىرۋ.

بيىل قالادا 1 ميلليوننان استام جاسىل جەلەك (ءىرى اعاشتار، كوشەتتەر، بۇتالار جانە ت.ب.) وتىرعىزۋ جوسپارلانعان. ماسەلەن، ماڭگىلىك ەل داڭعىلى بويىندا (ۇلى دالا داڭعىلىنان باستاپ قابانباي باتىر داڭعىلىنا دەيىنگى ارالىقتا)، سونداي-اق ەسىل وزەنىنىڭ بويىنداعى ساياباق كلاستەرىندە (بەيبىتشىلىك جانە كەلىسىم ساياباعى، ترياتلون پاركى، پرەزيدەنتتىك ساياباق، «قالالىق رومانس» ساياباعى) اباتتاندىرۋ جۇمىستارى جۇرگىزىلۋدە. سونداي-اق، ەسىل ناۋبەرەجنىي (قابانباي باتىر داڭعىلىنان سارايشىق كوشەسىنە دەيىن) اباتتاندىرىلىپ، جاڭا دەمالىس ايماقتارى مەن سپورت ينفراقۇرىلىمى پايدا بولادى.

لرت جەلىسىنىڭ بويىنداعى كوشەلەر – سىعاناق كوشەسى مەن قابانباي باتىر داڭعىلى بويىندا 7 500 اعاش وتىرعىزىلىپ، ەستاكادا استىندا قوعامدىق كەڭىستىكتەر جاسالادى. «حان شاتىر» سو-نىڭ ارتىندا Greenline جاياۋ جۇرگىنشىلەر بۋلۆارى جالعاسادى. العاشقى ۋچاسكە كۇلتەگىن كوشەسىنەن انەت بابا كوشەسىنە دەيىنگى ارالىقتا سالىنباق. بۇدان بولەك، جاڭا كەڭىستىك ق.مۇحامەدحانوۆ، كۇلتەگىن، سىعاناق جانە انەت بابا كوشەلەرى اراسىنداعى كۆارتالدا پايدا بولادى.

اباتتاندىرىلعان اۋلا مەكەنجايلارى بويىنشا:

• الماتى اۋدانى: تاۋەلسىزدىك داڭعىلى 34/1، مۇسرەپوۆ كوشەسى 6/4 جانە 5، ابىلاي حان داڭعىلى 19/3، 19، رىسكۇلبەكوۆ كوشەسى 16/1، 16/3، 8/1، 8/7، مۋستافين كوشەسى 21/3 جانە 21/2، قۇدايبەردى ۇلى داڭعىلى 19/2، 24، ماناس كوشەسى 20/2 جانە 20/1، كۇيشى دينا كوشەسى 42/2، 40، 23، جۇمابايەۆ داڭعىلى 1، 16/1، 16/2، رومانتيكوۆ كوشەسى 27. سونىمەن قاتار «3 گەكتار» تك مەن «اق مەشىت» مەشىتىنىڭ اراسىنداعى بوس اۋماقتا جاڭا قوعامدىق كەڭىستىك جاسالدى.

• بايقوڭىر اۋدانى: 18 اۋلا اشىلىپ، 40-قا جۋىق اۋلادا جوندەۋ جۇمىستارى جۇرگىزىلدى. احمەت جۇبانوۆ كوشەسىندە جاڭا سكۆەر، ابايا داڭعىلى بويىندا «كوممۋنالشىلار» سكۆەرى اشىلدى. ءقازىر ابايا داڭعىلى (رەسپۋبليكا داڭعىلىنان ءۋاليحانوۆ كوشەسىنە دەيىن) مەن باياناۋىل كوشەسىندە (عابدۋلليننەن باستاپ يمانبايەۆقا دەيىن) جۇمىس ءجۇرىپ جاتىر.

• سارايشىك اۋدانى: 10-نان استام اۋلا مەن قوعامدىق كەڭىستىك اشىلدى. ويىن جانە سپورت الاڭدارى ورناتىلىپ، كوگالداندىرۋ جۇرگىزىلدى. «BRAVO FAMILY» تك مەن «HighVill» جانە «گراند استانا» تك اينالاسىندا قوعامدىق كەڭىستىك جاسالۋدا. جۇمىسشى ماماندىقتارىنىڭ ماڭىزىن ناسيحاتتايتىن «ماماندىقتار اللەياسى» اتتى تاقىرىپتىق سكۆەر جوباسى ىسكە قوسىلدى.

• سارىارقا اۋدانى: 22 اۋلا مەن 3 قوعامدىق كەڭىستىك اشىلدى، ونىڭ ىشىندە التىنەمەل جانە گوتە كوشەلەرىنىڭ قيىلىسىندا، ى. دۇكەن ۇلى كوشەسى مەن رەسپۋبليكا داڭعىلى بويىنداعى «يلليۋزيا سكۆەرى».

• نۇرا اۋدانى: ورتالىق ساياباق رەكونسترۋكسيادان كەيىن اشىلدى. تۋران داڭعىلى 56 جانە ش.ايتماتوۆ كوشەسى 31 مەكەنجايلارىندا جاڭا اۋلالار اشىلدى. بۇعان دەيىن مامەتوۆا كوشەسى، سىعاناق، انەت بابا جانە ق.مۇحامەدحانوۆ كوشەلەرىندەگى ءبىرقاتار اۋلالار جاڭارتىلعان بولاتىن. ۇركەر تۇرعىن الابىنداعى №69 مەكتەپ-گيمنازياسىنىڭ ارتىندا، «نۇرا» سپورت كەشەنى ماڭىندا جانە «ايعىرجال» سكۆەرى اباتتاندىرىلدى.

• ەسىل اۋدانى: «حالىق قاتىساتىن بيۋدجەت» باعدارلاماسى اياسىندا 6 جوبا ىسكە اسىرىلىپ جاتىر. «Comfort Town»، «استانا جۇلدىز» تك جانە ماڭگىلىك ەل داڭعىلى بويىندا اۋلالار جاڭارتىلدى. بالالار الاڭدارى، تارتان جامىلعى، فۋتبول الاڭدارى ورناتىلدى. دوستىق، قازاق راديوسى، كەرەي-جانىبەك حاندار، تۇركىستان، گەيدار الييەۆ جانە قابانباي باتىر كوشەلەرى بويىندا 8 قوعامدىق كەڭىستىك اباتتاندىرىلدى. مىڭداعان اعاشتار وتىرعىزىلدى.

جەكە قۇرىلىس سالۋشىلاردىڭ باستاماسىمەن «Altyn Adam» تك-نىڭ قارسى بەتىندە جاڭا ساياباق سالىنىپ جاتىر. مۇندا گابيونى بار تەراسسالارمەن كومكەرىلگەن سۋ قويماسى، جاياۋ كوپىر، پيرس، امفيتەاتر، قۇستار ۇيا سالاتىن ارالدار، ءۇش دەڭگەيلى باقىلاۋ الاڭى، بالالار ويىن الاڭى، تەننيس كورتتارى، فۋتبول الاڭى جانە دەمالىسقا ارنالعان كوممەرسيالىق نىساندار بولادى. جاسىل جەلەكپەن تولىق قامتاماسىز ەتىلىپ، ساياباق 2025 جىلدىڭ قازانىندا تولىق اياقتالادى.

ايتا كەتەيىك، بيىل استانادا 170-كە جۋىق اۋلا مەن قوعامدىق كەڭىستىك (ساياباقتار، سكۆەرلەر، بۋلۆارلار) اباتتاندىرىلادى. جۇمىستار بارلىق اۋدان مەن تۇرعىن الاپتاردى قامتيدى. قازىرگى ۋاقىتتا ولاردىڭ باسىم بولىگى اياقتالدى.