Astanada órtten úsh adamdy qutqarǵan órt sóndirýshi komaǵa tústi
Bul týraly álemjelide Batyrjan Ibragim esimdi azamat málim etti.
“Denesiniń 80% paiyzyn kúiik shalǵan eken. Qazir jaǵdaiy óte aýyr. Batyr jigittiń esimi Asqar. Órt sóndirý qyzmetinde jumys isteidi. Úiinde kelinshegi men eki kishkentai balapandary barsha qazaq elinen tek duǵa etińizdershi dep surap otyr”, – deidi jazba avtory.
Onyń sózinshe, órt sóndirýshi órtke oranǵan páterge joǵarǵy qabattan kirý úshin qorǵanysh kiimin sheship, tek dem alý apparatyn ǵana alǵan. Úiden 80 jastaǵy ájeni, 22 jastaǵy nemeresin jáne kórshi páterde balkonǵa tyǵylyp qalǵan 10 jasar balany órtten aman alyp qalǵan.
“Asqar búgingi kúnniń batyry! Alladan amandyǵyn suraiyqshy. Qazir kelinsheginiń qolynda Asqardyń saǵaty ǵana qaldy. Asqardyń ómir saǵaty toqtamasyn dep tileiikshi”, – dep jazdy Batyrjan Ibragim.
[video width="338" height="640" mp4="https://dalanews.kz/wp-content/uploads/2022/11/Snapsave.app_314942484_2076441292543247_8834878654265510685_n.mp4"][/video]
Aita keteiik, keshe Astanadaǵy Momyshuly dańǵyly, 14 mekenjaiyndaǵy páterdiń otqa orandy.
Qalalyq Tótenshe jaǵdailar departamenti jalyndy sóndirýge 26 adam jáne 6 tehnikasy jumyldyrylǵanyn málim etken. Apattan 5 adam, onyń ishinde bir bala qutqarylyp, 10 adam evakýatsiialandy. Kómirtegi totyǵymen ýlanǵan úsh adam, onyń ishinde bir bala aýrýhanaǵa jetkizildi.
