استانادا ٶرتتەن ٷش ادامدى قۇتقارعان ٶرت سٶندٸرۋشٸ كوماعا تٷستٸ
بۇل تۋرالى ەلەمجەلٸدە باتىرجان يبراگيم ەسٸمدٸ ازامات مەلٸم ەتتٸ.
“دەنەسٸنٸڭ 80% پايىزىن كٷيٸك شالعان ەكەن. قازٸر جاعدايى ٶتە اۋىر. باتىر جٸگٸتتٸڭ ەسٸمٸ اسقار. ٶرت سٶندٸرۋ قىزمەتٸندە جۇمىس ٸستەيدٸ. ٷيٸندە كەلٸنشەگٸ مەن ەكٸ كٸشكەنتاي بالاپاندارى بارشا قازاق ەلٸنەن تەك دۇعا ەتٸڭٸزدەرشٸ دەپ سۇراپ وتىر”, – دەيدٸ جازبا اۆتورى.
ونىڭ سٶزٸنشە, ٶرت سٶندٸرۋشٸ ٶرتكە ورانعان پەتەرگە جوعارعى قاباتتان كٸرۋ ٷشٸن قورعانىش كيٸمٸن شەشٸپ, تەك دەم الۋ اپپاراتىن عانا العان. ٷيدەن 80 جاستاعى ەجەنٸ, 22 جاستاعى نەمەرەسٸن جەنە كٶرشٸ پەتەردە بالكونعا تىعىلىپ قالعان 10 جاسار بالانى ٶرتتەن امان الىپ قالعان.
“اسقار بٷگٸنگٸ كٷننٸڭ باتىرى! اللادان اماندىعىن سۇرايىقشى. قازٸر كەلٸنشەگٸنٸڭ قولىندا اسقاردىڭ ساعاتى عانا قالدى. اسقاردىڭ ٶمٸر ساعاتى توقتاماسىن دەپ تٸلەيٸكشٸ”, – دەپ جازدى باتىرجان يبراگيم.
[video width="338" height="640" mp4="https://dalanews.kz/wp-content/uploads/2022/11/Snapsave.app_314942484_2076441292543247_8834878654265510685_n.mp4"][/video]
ايتا كەتەيٸك, كەشە استاناداعى مومىشۇلى داڭعىلى, 14 مەكەنجايىنداعى پەتەردٸڭ وتقا وراندى.
قالالىق تٶتەنشە جاعدايلار دەپارتامەنتٸ جالىندى سٶندٸرۋگە 26 ادام جەنە 6 تەحنيكاسى جۇمىلدىرىلعانىن مەلٸم ەتكەن. اپاتتان 5 ادام, ونىڭ ٸشٸندە بٸر بالا قۇتقارىلىپ, 10 ادام ەۆاكۋاتسييالاندى. كٶمٸرتەگٸ توتىعىمەن ۋلانعان ٷش ادام, ونىڭ ٸشٸندە بٸر بالا اۋرۋحاناعا جەتكٸزٸلدٸ.
