Astanada káriz júiesinen tabylǵan jańa týǵan náresteniń ólimine qatysty is boiynsha 29 jastaǵy áiel ustaldy, dep habarlaidy dalanews.kz.
Tergeý málimetinshe, áiel jańa týǵan sábidiń ólimine qatysy bar degen kúdikke ilingen. Náresteniń denesi turǵyn úidiń káriz júiesinen tabylǵan.
Turǵyndardyń aitýynsha, kúdikti áiel qonaqúi bólmesinde ózdiginen bosanǵan bolýy múmkin. Olardyń boljamynsha, keiin ol jańa týǵan sábidiń denesin káriz qubyryna tastap jibergen. Sonyń saldarynan máiit qubyr arqyly aǵyp, kópqabatty turǵyn úidiń káriz qudyǵyna jetken.
Oqiǵa 3 shilde kúni belgili bolǵan. Káriz júiesine qyzmet kórsetý múmkindigi bolǵan jergilikti turǵyn qubyrdaǵy bitelisti tekserý kezinde náresteniń denesin tapqan.
– Alǵashynda kádimgi bitelis shyǵar dep oiladym. Uzyn taiaq alyp, qubyrdy tazalai bastadym. Bitelis ashylyp, sý ketken kezde, áýelde bireý taýyqty aǵyzyp jibergen shyǵar dep qaldym. Biraq keiin onyń náresteniń denesi ekenin túsindim. Eki aiaǵy kórinip turdy, – dedi jergilikti turǵyn.
Politsiianyń málimetinshe, atalǵan fakti boiynsha sotqa deiingi tergeý júrgizilip jatyr. Qazirgi ýaqytta oqiǵanyń barlyq mán-jaiy anyqtalýda.
