Astanada Esil ózeniniń jaǵasynda patrıottyq aksıa ótip jatyr. «Astana jastary» jastar resýrstyq ortalyǵynyń eriktileri «Jeńis lentasy» lentalary men tósbelgilerin taratýda,- dep habarlaıdy Dalanews.kz

«Jeńis lentasy» lentalaryn taratý naýqany 6 mamyrda bastalyp, 8 mamyrǵa deıin jalǵasady. Barlyǵy 30 myń danasyn taratý josparlanyp otyr.

«Bul lentalar – ata-babamyzdyń qan maıdandaǵy erlikterin eske alýdyń sımvoly. Bul lentalar bizdiń alǵysymyzdyń kishkentaı sımvolyna aınalsyn», – dep atap ótti is-sharaǵa qatysýshylardyń biri.

Aksıa tarıhı estelikterdi saqtaýǵa jáne beıbit ómir syılaǵan batyrlardyń erligine qurmet kórsetýge baǵyttalǵan.

İs-sharaǵa qatysýshylar qala turǵyndaryn kele jatqan merekemen quttyqtap, Jeńis kúniniń mańyzdylyǵy men tarıhı muranyń mańyzdylyǵyn eske saldy.

Patrıottyq aksıa elordada Uly Jeńistiń 80 jyldyǵy qarsańynda ótkiziletin is-sharalardyń bir bóligine aınaldy.