استانادا ەسىل وزەنىنىڭ جاعاسىندا پاتريوتتىق اكسيا ءوتىپ جاتىر. «استانا جاستارى» جاستار رەسۋرستىق ورتالىعىنىڭ ەرىكتىلەرى «جەڭىس لەنتاسى» لەنتالارى مەن توسبەلگىلەرىن تاراتۋدا،- دەپ حابارلايدى Dalanews.kz
«جەڭىس لەنتاسى» لەنتالارىن تاراتۋ ناۋقانى 6 مامىردا باستالىپ، 8 مامىرعا دەيىن جالعاسادى. بارلىعى 30 مىڭ داناسىن تاراتۋ جوسپارلانىپ وتىر.
«بۇل لەنتالار – اتا-بابامىزدىڭ قان مايدانداعى ەرلىكتەرىن ەسكە الۋدىڭ سيمۆولى. بۇل لەنتالار ءبىزدىڭ العىسىمىزدىڭ كىشكەنتاي سيمۆولىنا اينالسىن»، – دەپ اتاپ ءوتتى ءىس-شاراعا قاتىسۋشىلاردىڭ ءبىرى.
اكسيا تاريحي ەستەلىكتەردى ساقتاۋعا جانە بەيبىت ءومىر سىيلاعان باتىرلاردىڭ ەرلىگىنە قۇرمەت كورسەتۋگە باعىتتالعان.
ءىس-شاراعا قاتىسۋشىلار قالا تۇرعىندارىن كەلە جاتقان مەرەكەمەن قۇتتىقتاپ، جەڭىس كۇنىنىڭ ماڭىزدىلىعى مەن تاريحي مۇرانىڭ ماڭىزدىلىعىن ەسكە سالدى.
پاتريوتتىق اكسيا ەلوردادا ۇلى جەڭىستىڭ 80 جىلدىعى قارساڭىندا وتكىزىلەتىن ءىس-شارالاردىڭ ءبىر بولىگىنە اينالدى.
