الماتى وبلىسىنىڭ ۇيعىر اۋدانىندا 10 مىڭ گەكتار جايىلىمدىق جەر ەگٸستٸك القابىنا اينالۋدا. بۇرىن شٶپ تە شىقپايتىن اۋماققا شارۋالار تسيفرلىق تەحنولوگييالاردى ەنگٸزٸپ, مول ٶنٸم الۋدى كٶزدەپ وتىر. اتاپ ايتقاندا ەگٸن جۇمىستارىنا وزىق تەحنولوگييالار ەنگٸزٸلٸپ, تامشىلاتىپ جەنە جاڭبىرلاتىپ سۋارۋ جٷيەلەرٸ مەن اۆتوماتتاندىرىلعان باسقارۋ قۇرىلعىلارى كەڭٸنەن قولدانىلا باستادى. بۇل سۋ كٶزدەرٸن تيٸمدٸ پايدالانىپ, ٶنٸم كٶلەمٸن ارتتىرۋعا مٷمكٸندٸك بەرەدٸ. الماتى وبلىسىنىڭ ەكٸمٸ مارات سۇلتانعازيەۆ ەگٸن القاپتارىنا ارنايى بارىپ, شارۋاشىلىقتاردىڭ جاي-كٷيٸمەن تانىستى, دەپ حابارلايدى dalanews.kz.
بۇل باعىتتا جۇمىس ٸستەپ جاتقان كەسٸپورىننىڭ بٸرٸ – «Harvest Agro». ۇيعىر اۋدانىنىڭ قالجات اۋىلىندا قولعا الىنعان جوبا اگروٶنەركەسٸپكە تسيفرلىق تەحنولوگييالاردى ەنگٸزۋگە نەگٸزدەلگەن. ونىڭ ٸشٸندە اۆتوماتتاندىرىلعان سۋارۋ جٷيەسٸ, توپىراقتى تسيفرلىق تالداۋ قوندىرعىسى, ىلعالدىلىقتى ەسەپتەيتٸن داتچيكتەر, ەگٸس القاپتارىنىڭ جاعدايىن باقىلاۋ جەنە جاساندى ينتەللەكت ارقىلى باسقارۋ ەلەمەنتتەرٸ بار. جوبانىڭ نەگٸزگٸ ماقساتى – سۋ رەسۋرستارىن ۇتىمدى پايدالانا وتىرىپ, تيٸمدٸ ەرٸ تۇراقتى زاماناۋي اۋىل شارۋاشىلىعى مودەلٸن قالىپتاستىرۋ.
جوبانى تولىقتاي ٸسكە اسىرۋ 2026-2029 جىلدارعا جوسپارلانعان. جالپى قۇنى – 18,2 ملرد تەڭگە. كەسٸپورىن ٸسكە قوسىلعاندا 60 جاڭا جۇمىس ورنى اشىلاتىن بولادى. جالپى جەر كٶلەمٸ – 4 500 گەكتار. وندا جىلىنا 20 000 توننا جٷگەرٸ جەنە 4500 توننا ماقسارى ٶسٸرۋ كٶزدەلگەن. دايىن ٶنٸم ورتا ازييا ەلدەرٸنە, سونداي-اق قىتاي مەن يران نارىعىنا ەكسپورتتالماق.
جوبانىڭ نەگٸزگٸ باعىتتارىنىڭ بٸرٸ – جەر استى سۋىن پايدالانۋ ارقىلى زاماناۋي سۋارۋ جٷيەسٸن دامىتۋ. وسى ماقساتتا ۇڭعىمالاردى بۇرعىلاۋ جەنە يرريگاتسييالىق ينفراقۇرىلىم قۇرۋ جۇمىستارى جٷرگٸزٸلۋدە. جالپى 120 ۇڭعىما بۇرعىلاۋ جەنە 120 «Center Pivot» جاڭبىرلاتىپ سۋارۋ قوندىرعىسىن ورناتۋ كٶزدەلگەن. ۇڭعىمالاردىڭ تەرەڭدٸگٸ 300 مەترگە دەيٸن جەتەدٸ, ال ەربٸر قوندىرعىعا قاجەتتٸ سۋ بەرۋ كٶلەمٸ ساعاتىنا 125-150 تەكشە مەتردٸ قۇرايدى.
العاشقى كەزەڭٸندە 1 200 گەكتار جەر يگەرٸلٸپ, ماقسارى ٶسٸرٸلەدٸ. قازٸرگٸ ۋاقىتتا 30 ۇڭعىما بۇرعىلانىپ, 30 جاڭبىرلاتىپ سۋارۋ قوندىرعىسىن ورناتۋعا دايىندىق جٷرگٸزٸلۋدە.
ۇيعىر اۋدانىنداعى اگروٶنەركەسٸپ سالاسىن دامىتۋعا باعىتتالعان تاعى بٸر ٸرٸ كەسٸپورىن – «Assem Kaljat» جشس. كومپانييا اۋىل شارۋاشىلىعى ٶنٸمدەرٸن ٶڭدەۋ, سۋ ٷنەمدەۋ تەحنولوگييالارىن ەنگٸزۋ جەنە ٶندٸرٸستٸك ينفراقۇرىلىمدى دامىتۋ باعىتىندا بٸرنەشە ستراتەگييالىق جوبانى ٸسكە اسىرۋدا. كەسٸپورىن 2500 گەكتار جايىلىمدىق جەردٸ سۋارمالى القاپقا اينالدىرىپ, جٷگەرٸنٸڭ 12 سورتىن ەككەن. تەرەڭدٸگٸ 180-200 مەتر بولاتىن 59 ۇڭعىما قازىلىپ, 59 ترانسفورماتور ورناتىلعان. سونىمەن قاتار 40 شاقىرىمنان استام ەلەكتر جەلٸسٸ مەن ەرتٷرلٸ ديامەتردەگٸ 300 شاقىرىمنان استام ماگيسترالدى تامشىلاتىپ سۋارۋ قۇبىرلارى تارتىلعان. شارۋاشىلىقتا Claas جەنە Case ماركالى تراكتورلار مەن كومبايندار, سەپكٸشتەر, درون-شاشىراتقىشتار, اسپالى جەنە تٸركەمەلٸ اگرەگاتتار, سونداي-اق تيەگٸشتەر, بۋلدوزەرلەر مەن ەكسكاۆاتورلار پايدالانىلادى. ٶنٸم ٸشكٸ نارىقپەن قوسا ٶزبەكستان, يران جەنە قىتاي ەلدەرٸنە دە شىعارىلادى. نەگٸزگٸ تۇتىنۋشىلارى كراحمال ٶندٸرۋشٸ كەسٸپورىندار, قۇراما جەم زاۋىتتارى, قۇس فابريكالارى مەن فارماتسەۆتيكالىق كومپانييالار بولماق. الداعى ۋاقىتتا جٷگەرٸنٸ باستاپقى ٶڭدەپ, ونى ساقتاۋعا ارنالعان, پوليۆينيلحلوريدتەن قۇبىر ٶندٸرۋگە باعىتتالعان جەنە تامشىلاتىپ سۋارۋ جٷيەلەرٸن شىعاراتىن ٷش تٷرلٸ زاۋىت سالۋ جوسپارلانعان. ول ٷشٸن جالپى كٶلەمٸ 23 ملن دوللار ينۆەستيتسييا سالىنادى.
مارات سۇلتانعازيەۆ اتالعان ەكٸ كەسٸپورىنعا ارنايى بارىپ, يگٸ جوبالاردىڭ باستالۋىمەن قۇتتىقتادى. سونداي-اق زاماناۋي اگرو-يندۋسترييا كەشەنٸن سالۋ ايماقتىڭ ەكونوميكالىق ەلەۋەتٸن ارتتىراتىن ماڭىزدى قادام ەكەنٸن ايتتى.
«ەكٸ كومپانييا دا داقىلدى ٶسٸرٸپ قانا قويماي, ونى ەرٸ قاراي ٶڭدەۋگە باعىتتالعان. «Assem Kaljat» بيىل بٸرٸنشٸ زاۋىتىن سالۋدى باستايدى. ال «Harvest Agro» ٶنٸم كٶلەمٸنە بايلانىستى ٶندٸرٸستٸ كەڭەيتۋگە دايىن. گيبريدتٸ تۇقىم ٶندٸرۋدەن باستاپ, دايىن ٶنٸمدٸ ساقتاۋ مەن ٶڭدەۋگە دەيٸنگٸ تولىق تسيكل قامتىلماق. بۇل رەتتە بوس جاتقان جەرلەردٸ اينالىمعا قوسىپ, ونى قۇنارلى ەگٸس القابىنا اينالدىرۋ ٸسٸنە باسىمدىق بەرٸلەدٸ. قازٸرگٸ تاڭدا جامبىل, ٸلە جەنە وسى ۇيعىر اۋدانىندا جايىلىمدىق جەرلەردٸ سۋارمالى القاپقا اينالدىرۋ جۇمىسى قىزۋ جٷرگٸزٸلۋدە.
ۇيعىر اۋدانى ٷشٸن جٷگەرٸ داقىلىنىڭ ستراتەگييالىق ماڭىزى جوعارى. سۋارمالى جاعدايدا جٷگەرٸنٸڭ ٶنٸمدٸلٸگٸ گەكتارىنا ورتا ەسەپپەن 7-8 تونناعا دەيٸن جەتسە, ال وزىق شارۋاشىلىقتاردا 14-16 تونناعا دەيٸن ٶنٸم الۋ مٷمكٸندٸگٸ بار. ٶندٸرٸلگەن جٷگەرٸ دەنٸ مال ازىعى, قۇراما جەم ٶندٸرٸسٸ جەنە تاماق ٶنەركەسٸبٸ ٷشٸن ٸشكٸ نارىقتا جوعارى سۇرانىسقا يە بولادى», – دەدٸ ايماق باسشىسى.
اتالعان جوبالار ٶڭٸردٸڭ اگروٶنەركەسٸپ كەشەنٸن دامىتۋعا تىڭ سەرپٸن بەرٸپ, سالانىڭ جاڭا دەڭگەيگە كٶتەرٸلۋٸنە مٷمكٸندٸك اشادى. جەر جەنە سۋ رەسۋرستارىن تيٸمدٸ پايدالانۋعا, جاڭا جۇمىس ورىندارىنىڭ اشىلۋىنا جەنە زاماناۋي يرريگاتسييالىق ينفراقۇرىلىمدى جەتٸلدٸرۋگە ىقپال ەتەدٸ.
