2024 jyldyń tamyzynda Astanada qatty jaýǵan burshaq shamamen 8 myń kólikti búldirip ketti. Osy jaǵdai boiynsha KASKO erikti avtosaqtandyrý baǵdarlamasy aiasynda búlingen avtokólik ieleri 131,5 mln teńgeden astam somaǵa saqtandyrý tólemderin aldy, dep habarlaidy Dalanewz.kz.
"Eýraziia" SK baspasóz qyzmetiniń málimetinshe, shaǵymdardyń negizgi bóligi burshaq jaýǵannan keiin ózderine alǵashqy eki aptada kelip túsken, mamandar zalaldy baǵalaýǵa kelesi kúni birden kirisken.
Sol kezde barlyǵy 129 kóliktiń ieleri tólem alǵan, bul - osy sipatta túsken ótinishterdiń úshten eki bóligi.
- tólemniń ortasha somasy - 1,02 mln teńgeni,
- eń kóp zardap shekken kóliktiń iesine 5,56 mln teńge berildi,
- eń az tólem -10 389 teńge.
Áli qarastyrylyp jatqan taǵy 64 ótinish bar, aldyn ala zalal kólemi 78 mln teńgeni quraýy múmkin.
"Eýraziia" SK KASKO-nyń túrli baǵdarlamalary boiynsha saqtandyrylǵan 194 kólik quralyna keltirilgen zalal boiynsha ótemaqy kólemi 209 mln teńgeden asýy múmkin ekenin aitady. Olardyń ishinde 150 fizikalyq tulǵalar jáne 35 zańdy tulǵa bar. Keibir kompaniialardyń, negizinen avtosalondardyń burshaq jaýǵan kezde ashyq avtoturaqta bolǵan avtokólik quraldary zardap shekken.
Aita ketsek, 8 tamyzda elordada qatty burshaq jaýyp, saldarynan, "Eýraziia" SK sarapshylarynyń baǵalaýy boiynsha, shyǵyny 4,5 mlrd teńgeni quraityn kem degende 8 myń kólik quraldaryna zaqym kelgen. Barlyq zardap shekken avtomobilderdiń ishinde KASKO baǵdarlamasy boiynsha erikti saqtandyrýǵa júginderi 10%-dan aspaidy, olardyń kópshiligi avtonesieleý kezinde kepilge saqtandyrylǵan. Burshaq jáne basqa aýa raiy qubylystary mindetti avtosaqtandyrý sharttary boiynsha saqtandyrý jaǵdaiy bolyp tabylmaidy.
Buǵan deiin biz BQDA tutynýshyǵa kólikpen qosa qosymsha jabdyqtardy da, sonyń ishinde saqtandyrý qyzmetterin de satyp alýǵa májbúrleitin avtosalondardy jazalaǵanyn jazǵan bolatynbyz.
