Astanada mektep aýmaǵynda bolǵan tóbeleske qatysýshylar jaýapkershilikke tartyldy, dep habarlaidy Dalanews.kz.
Politsiia qyzmetkerleri elordadaǵy mektepterdiń biriniń aýmaǵynda qoǵamdyq tártiptiń buzylý deregin anyqtap, jolyn kesti.
IIM málimetinshe, 17 jastaǵy jasóspirim kólikpen oqý orny aýmaǵyna zańsyz kirgen. Ózine jasalǵan eskertýge agressivti túrde jaýap berip, sonyń saldarynan janjal týyndaǵan.
"Tekseris nátijesinde oqiǵaǵa qatysqan barlyq adam jaýapkershilikke tartyldy. Sot sheshimimen kámeletke tolmaǵan jasóspirim men mektep qyzmetkeri usaq buzaqylyq jasaǵany úshin jazalandy. Sonymen qatar, kólik júrgizýshisi jol erejesin buzǵany úshin jazalandy. Jasóspirimniń ata-anasyn onyń tárbiesine qatysty mindetin tiisinshe oryndamaǵany úshin jaýapkershilikke tartý máselesi qarastyrylyp jatyr. Materialdar profilaktikalyq sharalar qabyldaý úshin onyń turǵylyqty jerine joldandy", - dep jazylǵan habarlamada.
