استانادا مەكتەپ اۋماعىندا بولعان توبەلەسكە قاتىسۋشىلار جاۋاپكەرشىلىككە تارتىلدى، دەپ حابارلايدى Dalanews.kz.
پوليسيا قىزمەتكەرلەرى ەلورداداعى مەكتەپتەردىڭ ءبىرىنىڭ اۋماعىندا قوعامدىق ءتارتىپتىڭ بۇزىلۋ دەرەگىن انىقتاپ، جولىن كەستى.
ءىىم مالىمەتىنشە، 17 جاستاعى ءجاسوسپىرىم كولىكپەن وقۋ ورنى اۋماعىنا زاڭسىز كىرگەن. وزىنە جاسالعان ەسكەرتۋگە اگرەسسيۆتى تۇردە جاۋاپ بەرىپ، سونىڭ سالدارىنان جانجال تۋىنداعان.
"تەكسەرىس ناتيجەسىندە وقيعاعا قاتىسقان بارلىق ادام جاۋاپكەرشىلىككە تارتىلدى. سوت شەشىمىمەن كامەلەتكە تولماعان ءجاسوسپىرىم مەن مەكتەپ قىزمەتكەرى ۇساق بۇزاقىلىق جاساعانى ءۇشىن جازالاندى. سونىمەن قاتار، كولىك جۇرگىزۋشىسى جول ەرەجەسىن بۇزعانى ءۇشىن جازالاندى. ءجاسوسپىرىمنىڭ اتا-اناسىن ونىڭ تاربيەسىنە قاتىستى مىندەتىن تيىسىنشە ورىنداماعانى ءۇشىن جاۋاپكەرشىلىككە تارتۋ ماسەلەسى قاراستىرىلىپ جاتىر. ماتەريالدار پروفيلاكتيكالىق شارالار قابىلداۋ ءۇشىن ونىڭ تۇرعىلىقتى جەرىنە جولداندى"، - دەپ جازىلعان حابارلامادا.
