Astanada iri saýda úıine keltirilgen 473,6 mln teńge kólemindegi shyǵynǵa qatysty qylmystyq is boıynsha úkim shyqty. Sot sheshimine sáıkes, alaıaqtyq shemany uıymdastyrǵan toptyń barlyq múshesi 4 jyldan 8 jylǵa deıin bas bostandyǵynan aıyryldy, dep habarlaıdy Dalanews.kz.
Tergeý málimetinshe, saýda úıiniń qyzmetkerleriniń biri 10 tanysymen birigip, turmystyq jáne elektrondy tehnıkany zańsyz ıemdenýdiń júıeli tetigin qurǵan. Qyzmetker jalǵan promokodtar rásimdep otyrǵan, al onyń sybaılastary sol kodtar arqyly iPhone, noýtbýk, teledıdar, tońazytqysh sekildi taýarlardy alǵan. Keıin tehnıka úshinshi tulǵalarǵa qaıta satylǵan.
Sot alaıaqtyq áreketterdiń saldarynan kompanıaǵa keltirilgen zalaldyń jalpy somasy 473,6 mln teńgeni quraǵanyn anyqtady. Jaza merziminen bólek, sottalǵandar materıaldyq shyǵyndy tolyq óteýge mindetteldi.
Aıta keteıik, úkim ázirge zańdy kúshine engen joq.
