Astanada jedel meditsinalyq járdem brigadasynyń feldsherin urǵan er adam ustaldy, dep habarlaidy Dalanews.kz.
Meditsina qyzmetkerine kúsh qoldaný deregi boiynsha qylmystyq is qozǵaldy. Jedel járdem brigadasy saýda ortalyǵyna shaqyrtý boiynsha barǵan.
Onda mas kúidegi eki er adam bolǵan. Olardyń biri ózin jaisyz sezingenin aitqan. Meditsina qyzmetkerleri tekserip, kómek kórsetkennen keiin oqiǵa ornynan ketýge daiyndalǵan kezde er adamdardyń biri feldsherdi soqqyǵa jyqqan.
Oqiǵa kýágerleri politsiia qyzmetkerlerin shaqyrǵan.
"Kúdikti oqiǵa ornynda ustalyp, ýaqytsha ustaý izoliatoryna qamaldy", - dedi politsiia.
